Këtu. në portalin DRINI.us – të cilin e udhëheqë i respektuari Gjergj Kabashi, lexova shkrimin e juaj me titull: “Imzot Lazër Mjeda, veprimtar i dalluar fetar dhe kombëtar në kohën e rreziqeve 1909-1921” dhe më bëri përshtypje të thella, bile edhe e rilexova, ndaj vendosa të jap koment.
Fjalët e juaja, po citoj:
“Unë do të përqendrohem në shërbimin e tij arqipeshkvor në Shkup, si fetar zelltar, si në anën fetare, ashtu edhe atë kombëtare dhe kulturore, me shkolla dhe institucione shoqërore.”
“Ja edhe cilësimi i dr. Don Gaspër Gjinit, historianit tonë të shquar mbi Imzot Lazër Mjedën: “Në dioqezë zhvilloi një veprimtari të madhe baritore: ndërtoi disa kisha dhe themeloi disa famulli të reja. Kujdesej gjithashtu që dioqeza të ketë numër të mjaftueshëm të meshtarëve . Në qarkoret e tij baritore tregon dashuri të madhe për njerëzit që i janë besuar.”
Përveç tjerash Ju shkruani, po citoj:
“Ishte përkrahës i flakët i shkollave shqipe, pra, njeri me shumë virtyte dhe veti njerëzore, të krishtera dhe kombëtare.”
“Arqipeshkvi Imzot Lazër Mjeda kishte një miqësi dhe bashkëpunim të thellë dhe vëllazëror me familjen e Gonxhe Bojaxhiut, më vonë shën Nënës Tereze.” dhe vazhdoni, po citoj:
“Gonxhja lexonte shumë, i pëlqenon më së shumti vjershat e Don Ndre Mjedës si dhe të poetëve tjerë shqiptarë. “
Ju i citoni fjalët që i janë thënë babës së Gonhës – Nikollë Bojaxhiut:
“Kolë, Zoti ta shpërbleftë ty dhe familjes tënde, në këtë dhe në atë jetë, për Kishën dhe popullin shqiptar.”
Dhe, e përmbyllni shkrimin me fjalët, po citoj:
“Imzot Lazër Mjeda e kishte krezmuar apo përforcuar Gonxhe Bojaxhiun, më vonë Shën Nënën Tereze, me 28 nëntor 1916, ndërsa nun apo kumbar ishte Tade Simon Shiroka.”
JU LUMT MENDJA DHE DORA! Ju faleminderit!
*
Për sa i përket Imzot Lazër Mjedes po them këtë:
1. Mendjet e Ndritura me kujdes dhe profesionalizëm i trajtojnë çështjet!
2. Kur nga një vend i vogël shqiptar – lindë njeriu i vogël dhe me veprat e tij bëhet i Madh dhe i njohtur, ai njeri i bën të Mëdhenj e të njohur: vendin ku ka lé e âshtë rritë dhe mbarë Kombin e tij shqiptar i bën të Mëdhenj e të njohur!
3. Kur shkruani për Gonxhe Bojaxhiun – shën Nënën Terezë dhe babën e saj Nikollë Bojaxhiun, po më kujtohen fjalët e Juaja, po i citoj:
“Baba Nikolla (Kolë) i ka thënë së bijës – Gonxhës: Bija ime, bânu Bamirëse! Bamirësia âsht si nji guralec, të cilin ti e hedhë thellë në lumë, ti kurrë mâ nuk e sheh, por ai (guraleci) aty rrin dhe kurrë nuk humbë!”
Nuk po zgjas më komentin, por ju falënderojë nga zemra!

me respekt,
Ismeti
.

*