Nga Lidhja Shqiptare e Prizrenit deri te shpallja e Pavarësisë më 1912, aspirata për unitet kombëtar ka qenë pjesë e pandërprerë e përpjekjeve të shqiptarëve. Sot, shqiptarët jetojnë në Shqipëri, Kosovë, Maqedoninë e Veriut, Mal të Zi, Luginën e Preshevës, në Greqi dhe në një diasporë të madhe të shpërndarë në mbarë botën. Kjo diasporë u krijua në periudha të ndryshme për arsye politike, ekonomike dhe shoqërore, ku shumë shqiptarë u larguan për shkak të luftërave, represionit ose në kërkim të një jete me më shumë mundësi. Kjo shpërndarje e madhe ka ndikuar që ideja e bashkimit kombëtar të bëhet më e vështirë për t’u realizuar në praktikë.

Megjithatë, bashkimi ynë duhet të ndërtohet mbi dijen, zhvillimin, demokracinë, bashkëpunimin dhe respektimin e së drejtës ndërkombëtare. Kombet e forta ndërtohen mbi unitetin. Prandaj, mesazhi i këtij elaborimi është i qartë: shqiptarët duhet të jenë më të bashkuar në mendim, në veprim dhe në përkushtim ndaj interesit kombëtar, duke forcuar lidhjet mes tyre kudo që jetojnë dhe duke punuar me urtësi e mençuri për të ardhmen e përbashkët të kombit tonë. Uroj te lexohet dhe kuptohet mesazhi juaj!