Flamuri i Kosovës dhe trashëgimia e UÇK-së nuk janë thjesht simbole politike të ditës, por përfaqësojnë sakrificën e mijëra njerëzve për liri, dinjitet dhe shtetndërtim. Për këtë arsye, mendoj se përdorimi i tyre në protesta apo tubime me mesazhe që nuk lidhen drejtpërdrejt me idealet për të cilat u sakrifikua populli ynë, duhet të peshohet me kujdes.

Njëkohësisht, respektoj të drejtën demokratike të çdo qytetari për të protestuar dhe për të shprehur mendimin e tij. Por nuk duhet të lejojmë që emri i Kosovës dhe simbolet e saj të përdoren në mënyra që mund të krijojnë keqkuptime për orientimin dhe interesat strategjike të shtetit tonë.

Kosova është ndërtuar mbi vlerat e lirisë, demokracisë dhe miqësisë me aleatët që e mbështetën në momentet më të vështira. Këto vlera duhet t’i ruajmë dhe t’i forcojmë çdo ditë.