Komente në: Reagim publik – mjaft me hipokrizi! https://www.drini.us/reagim-publik-mjaft-me-hipokrizi/ POLITIKE - KULTURORE - HISTORIKE Mon, 09 Jun 2025 21:49:46 +0000 hourly 1 https://wordpress.org/?v=6.9.4 Sipas: Nexhmije Mehmetaj https://www.drini.us/reagim-publik-mjaft-me-hipokrizi/#comment-5991 Mon, 09 Jun 2025 21:49:46 +0000 https://www.drini.us/?p=62481#comment-5991 Ky reagim është një akt i domosdoshëm ndërgjegjësimi, por edhe një akt akuze ndaj hipokrizisë së atyre që shiten si trashëgimtarë të Rugovës, por që në thelb kanë braktisur gjithçka që ai përfaqësonte. Është e papranueshme që një projekt si “Rilindasi i Fundit – Dr. Rugova”, me vlera të jashtëzakonshme kombëtare, të lihet në mëshirë të fatit, ndërkohë që emri i Rugovës përdoret çdo ditë për interesa personale e politike.
Turp për të gjithë ata që flasin me pathos për Rugovën në përvjetorë, në podiume e statuse në rrjete sociale, por nuk japin as një mbështetje financiare për një vepër që synon të përjetësojë jetën dhe veprën e tij. Turp për strukturat partiake që u ngritën mbi idealin e Rugovës, e sot heshtin ose bëjnë sikur nuk e shohin këtë nismë.
Të gjithë ata që për vite kanë përfituar politikisht e moralisht nga emri i Presidentit Historik, sot po pranojnë se nuk ishin as rugovistë, as përkushtuar, por thjesht profiterë të një epoke që nuk e kanë kuptuar asnjëherë thellësisht.

Historia do t’i mbajë mend emrat e kontribuuesve, por edhe të heshtakëve që zgjodhën komoditetin në vend të përgjegjësisë. Kjo është koha për të ndarë idealistët nga oportunistët – dhe ky projekt po e bën këtë ndarje të dhimbshme, por të nevojshme.

]]>