Koha me shtrëngon t’ i bëj një fyerje temës që kam marr përsipër të zhvilloj.
Autor, shpikës, zbulues, vepra dhe dokumenta të panumërt, ngrenë zërin dhe thonë: Ne besimtarët e Krishtit, jemi pionerët, kalorësit dhe krijuesit e kulturës moderne.

Zotërinj të ndershëm!

Unë një njeri i klerit, dua t’iu flas për atdhetarizëm?!
Kleri mendon dhe punon për një atdhe të ardhshëm, le të shikojë punë e vet sëcili dhe t’ua lërë civilëve dhe intelektualëve të lartë çështjen e atdheut të këtushëm.

Atdhetarizmi është profan për njerëzit e shpirtit dhe besimit, sikurse besimi për njerëzit e civilizuar dhe të kulturuar.

Zotërinj!

Secili nga ju ka një art ose profesion të veçantë, por ju nuk pushoni kurrë së qeni njerëz, së qeni shqiptarë, pse si për shëmbull njeri prej jush ka vënë si ideal jete artin, një tjetër edukatën dhe kulturën, një tjetër diturinë dhe shkencën, dikush tjetër një send tjetër.

E kur arti, kultura, dituria dhe idealet tjera nuk na pengojnë të jemi atdhetarë ose patriot, atëherë pse ai që ndjek idealin e fesë ose besimit, nuk mund të jetë shqiptar?

Jam fetar, por e dua dhe e çmoj krejt natyrën njerëzore, jam fetar, por kam tagre dhe detyra shoqërore, jam fetar, por nuk rrojë as në erë, as në re dhe as në qiell, por në këtë tokë që quhet Shqipëri, midis ketyre njerëzve që janë shqiptar, jam fetar e dua të mbajë marëdhënie të ngushta me Zotin, por gjaku shqiptar që me vlon ndër dej, shpirti shqiptar që me frymëzon fjalën dhe mendimin, rrethi shqiptar, ambienti dhe traditat shqiptare që, duke ma përshkuar anëmbanë jetën dhe botën time mendore, shpërthejnë ndër hove të shpirtit, ndër ndjenja dhe zakone, nuk mund të zhduken prej meje, mesa mund të zhduken prej nesh Zoti dhe natyra!

Të nderuar zotërinj!

Atdhetarizmi ose patriotizmi, është një ndër vlerat dhe idealet kryesore të krishtrimit.

Ndaj, nuk mund të jemi të krishterë të mirë, pa qenë njerëz të mirë dhe patriot.

“Krishtërimi është hyjnor, sepse është shoqëror, karitativ dhe humanist..”, Fragmente nga vepra e njohur e Atë (Patër) Anton Harapit : “Njisimi kombtar dhe ideali kombtar”

/.

Pac shnetin Nuni Lirim!