Komente në: Vërragë kohe , reflektim poetik nga Arif Ejupi

Sipas: Sara Hoxha

Sara Hoxha — Sun, 16 Nov 2025 13:49:50 +0000

Një perlë e rrallë dhe e jashtëzakonshme !

Sipas: Ismet M. Hasani, Suedi

Ismet M. Hasani, Suedi — Sun, 16 Nov 2025 04:05:37 +0000

Jeta është si libri, në fakt, jeta i ngjan librit, ballinat e të cilit tregojnë lindjen dhe vdekjen; në atë libër shkruhen veprat e tua të mira, për të cilat shpërblehesh, dhe veprat e tua të këqija, për të cilat meriton ndëshkimin. Mundohu që në atë libër të shkruhen gjërat që janë për të mirën tënde dhe të të tjerëve. Dije se çdo fletë që mbyllet, të afron drejt fundit dhe, me mbylljen e saj, mbyllet edhe një pjesë e jetës sate, prandaj përpiqu që fletën e mbyllur ta mbyllësh me punë dhe vepra të mira. Dije se çdo ditë e jetës sate është një faqe e jetëshkrimit tënd. Kujdesu që atë ta shkruash mirë, ngase një faqe e atij jetëshkrimi e ndyen krejt librin.
***

Sipas: Nexhmije Mehmetaj

Nexhmije Mehmetaj — Sat, 15 Nov 2025 21:58:47 +0000

Poezia Vërragë kohe, reflektim poetik nga A. Ejupi është një rrëfim i ndjerë dhe i sinqertë mbi qëndresën e njeriut përballë sfidave të jetës.Ajo ndërtohet mbi përsëritjen e vargut “Jam munduar…”, i cili shndërrohet në një motiv të fuqishëm të përpjekjes së vazhdueshme për të mbetur njeri i mirë, i drejtë dhe i ndershëm në një botë ku shpesh mbizotërojnë padrejtësia, pabesia dhe mashtrimi. Autori shpalos një brendësi të plagosur, por jo të thyer; një shpirt që zgjedh të këndojë edhe në ditët kur heshtja do të ishte më e lehtë.
Poezia përfton një ton të qetë meditativ, ku vargjet e shkurtra dhe të pastra shpërfaqin peshën e përvojave jetësore. Më pëlqeu sidomos metafora e “vërragëve që vështirë shërohen” përmbledh mjeshtërisht të gjithë thelbin e tekstit: jeta lë gjurmë, por përpjekja për të qëndruar i drejtë është akt fisnikërie dhe triumfi moral.

Në tërësi, kjo poezi është një dëshmi e sinqertë dhe e bukur e një rruge të kaluar me dinjitet, ku qëndresa dhe mirësia mbeten vlerat më të larta të njeriut.