Prof. Qerim Rexhaj, veprimtar dhe kontributdhënës shumëvjeçar në fushën e arsimit dhe në atë të lëvizjes atdhetare në kohërat më të vështira të kombit, gazetar, publicist dhe kronist i ngjarjeve për trevat e Podgurit, burrë i dëshmuar i penës dhe i pushkës së lirisë, i njeh më mirë se askush tjetër nevojat dhe problemet e qytetarëve të Komunës së Istogut! Gjatë dekadave të robërisë sllave, Qerimi, sëbasku me tërë familjen e tij, ishte në shërbim të popullit dhe në krahun e progresit historik të kombit shqiptar, prandaj i ndjekur dhe i persekutuar shumëfish nga armiku serb. Më në fund, është koha t’u jepet rasti veprimtarëve të dëshmuar që ta japin ndihmesën e tyre për përparimin dhe për ngritjen e mirëqenies së qytetarëve të trevave të Burimit. Te prof. Qerim Rexhaj qytetarët e Komunës së Istogut do të gjejnë përvojën, dijen, guximin dhe përfaqësuesin më besnik për zgjidhjen e halleve dhe problemeve të tyre të kohës, me theks të veçantë në lëmin e arsimit dhe të kulturës kombëtare.
Qerimi do të jetë zëri më i artikuluar i popullit në Kuvendin Komunal të Istogut!
Votoni nr.144, LVV!
Votoni nr. 3 në listën e asamblistëve!
Votoni Qerim Rexhaj!
Qerim Rexhaj u lind me 4 prill 1957 në fshatin Cerrcë të komunës së Istogut.
Shkollimin e mesëm e ka mbaruar në gjimnazin “Haxhi Zeka” në Istog, ndërsa studimet i ka vazhduar në Universitetin e Prishtinës, në drejtimet Gjuhë angleze dhe Gjuhë shqipe e letërsi.
Fillimisht ka punuar si mësimdhënës i gjuhës angleze në Shkollën fillore “17 Nëntori” në Istog, por për shkak të bindjeve politike kundër regjimit u përjashtua, duke u rikthyer në profesionin e tij në vitin 1995 në gjimnazin “Haxhi Zeka” si profesor i Gjuhës shqipe, ku vazhdon të punoi edhe sot.
Veprimtaria politike e tij ka filluar në vitet 1970, si pjesëmarrës i organizimeve të ndryshme kundër regjimit jugosllavë, duke luajtur rol të rëndësishëm gjatë organizimit të demostratave të vitit 1981. Gjatë luftës së fundit u bashkua edhe në Ushtrinë Çlirimtare të Kosovës.
Pas përfundimit të luftës u zgjodh si Drejtor i Drejtorisë për Arsim, Kulturë, Rini e Sport në Komunën e Istogut. Për dy mandate ka qenë asamblist në Kuvendin Komunal të Istogut.
Aktivitetin e tij politik në Lëvizjen VETËVENDOSJE! e ka filluar zyrtarisht në vitin 2016. Me angazhim maksimal dhe kontribut në rritjen e Lëvizjes u bë pjesë e Kryesisë së Lëvizjes në Qendrën e Istogut.
Si asamblist i ardhshëm në Kuvendin Komunal të Istogut, do të angazhohet me gjithë njohuritë dhe potencialit intelektual në përmirësimin e jetës së qytetarëve të komunës sonë. Fokusi kryesor do të jetë në Arsim, Kulturë, Rini e Sport.
Qerim Rexhaj, në listën zgjedhore të Lëvizjes VETËVENDOSJE! mbanë numrin 3.
