Zeqir Bekolli, Prishtinë
Kryetari i Serbisë Aleksandër Vuçiq, në kohën e luftës, në Kuvendin e Serbisë, duke kërcënuar NATO-n, deklaroi: “Për 1 serb të vararë do t’i ekzekutojë 100 myslimanë” (aludonte në shqiptarë), si dikur Adolf Hitler. Kjo deklaratë e tij është e pranishme në rrjetin social Youtube.com dhe mund të vërtetohet nga secili kureshtar që dëshiron ta mësojë të vërtetën rreth këtij pohimi, nëse deri atsh nuk e ka parë dhe dëgjuar. Argument më i fortë se ky nuk mund të gjendet për ta vërtetuar se Vuçiq, në krye të shtetit serb, është një fashist i gjallë që përpiqet të kamuflohet me petkun e demokracisë, anipse herë pas here, me teza të tilla shpërthen në opinion kur e kaplojnë nervat shoveniste. Një shpërthim të tillë e bëri edhe këto ditë, me rastin e emërimit të Bashkim Jasharit, komandant i FSK-së. Vuçiq, sikur edhe disa shovenistë të tjerë në Serbi nuk e pritën mirë emërimin e Jasharit në kyre të FSK-së, madje ata shkuan aq larg duke e cilësuar atë edhe si “terroristë”. Ishte kjo një deklaratë jo vetëm e turpshme por edhe skandaloze e një fashisti i cili jo vetëm që nuk skuqet fare për atë që bënë ushtria e policia serbe në Prekaz, por edhe fëmijët e Jasharëve përpiqet t’i etiketojë me epitete të ulta. Duket ta ketë të qartë, fashisti Vuçiq , se Bashkim Jashari, bashkë me Besarta Jasharin janë fëmijët e familjes Jashari që i mbijetuan sulmit terrorist serb të 5,6,7 dhe 8 marsit të vitit 1998, mbi familjen Jashari, ku humben jetën edhe shumë fëmijë.
Madje, Bashkimi, pos që pat përjetuar terë atë llahtari të sulmeve me të gjitha lojet e armëve të rënda mbi familjen Jashari, ai, arriti të dalë nga shtetrrethimi dhe më shumë se 16 orë ka qendruar në një prrockë uji në vijen e zjarrit, për t’u tërhequr e strehuar më pastaj në zonën jashtë Prekazit.
Bashkimi edhe si fëmijë gjatë luftës, ishte i rrezikuar nga forcat çetnike serbe, sepse kërkohej në çdo skutë. Por falë përkujdesit të bashkëkombasve, Bashkimi sot është gjallë.
