Nga: Lirim Gashi, Prishtinë
“Rasti është mbreti i botës thotë një fjalë e urtë”, ndërsa mbreti mua para ca ditësh më dërgoi te La Diva. Me siguri do e pyesni veten se kush dhe çka është në këtë rast La Diva?
Personi, objekti apo destinacioni?!
Gjermanët do të thoshin “sowohl als auch” që shqip i bie “edhe edhe”. Si çdo herë enigma zgjon tek secili prej nesh kureshtje, ndërsa kjo e fundit nuk më kursen as mua, prandaj s’po ju mundoi më tepër po e zgjidhi enigmën.
“La Diva” është emri i një restoranti në Fushë Kosovë që për nga pamja e jashtme dhe brendshme e arsyeton emrin në çdo aspekt. Ndërsa pronarja Shqipe Rama jo vetëm që i përshtatet nga pamja e jashtme arkitekturës dhe inventarit të restorantit por këto dy elemente i përshtaten asaj sepse ajo vetë i ka dizajnuar.
Shqipja është njëra prej atyre grave që nuk dorëzohen kurrë para sfidave.
Si nënë vet-ushqyese e dy engjëjve të vegjël ajo jo më larg se para një viti qëndronte mbi ruinat e ekzistences, mirëpo me punë të palodhshme, optimizëm, guxim, elan, talent dhe sharm, ajo brenda një viti arriti të bëhet pronare e një restoranti nobel që më të vërtetë e meriton emrin “La Diva”.
Paralelisht me menaxhimin dhe distribuimin e restorantit Shqipja sot jo vetëm që është Koordinatore në “Shoqatën e Prindërve të ndarë që përkrahet nga “Fondacioni Jahjaga” por edhe e studion juridikun në Kolegjin Universum.
Dhe jo vetëm kaq por Shqipja nga një Shoqatë Humanitare e Vjenës që i përkrah femrat e ndara dhe vetë-ushqyese është certifikuar si super nënë, gjë që flet shumë për karakterin e saj njerëzor, që përgjegjësinë për mirëqenien e fëmijëve e ngrit në piadestalin më të lartë të prioriteteve jetësore.
Ndërsa restoranti të cilin e menaxhon për nga arkitektura, dizajni, mikpritja, shërbimi dhe atmosfera është në rrugën e pandalshme për t’u bërë destinacioni më i preferuar dhe frekuentuar në Fushë Kosovë.
Jam shumë i sigurt se imazhet që do t’ua prezantoj në vijim do ta zgjojnë kureshtjen dhe vullnetin tujaj për ta vizituar këtë destinacion dhe për t’u bindur vetë në vërtetësinë e fjalëve të mia.
Sepse atmosfera, dizajni, stafi, shërbimi dhe mikpritja në këtë restorant janë të cilësisë më të lartë të mundur, ndërsa çmimet e ushqimit dhe pijeve shumë të volitshme.”La Diva
