Hamdi Reqica, diplomat, Prishtinë
___
Gjendja e paqes së përhershme dhe absolute në mbretërinë e Krijuesit dhe në prezencën e Tij, u prish në një moment të caktuar kur njëra nga krijesat e Tij shprehu haptas dhe pa frikë mendjemadhësi.
Mendjemadhësia shënon pikën fillestare të dy zhvillimeve të padëshiruara:
1. Rënien (qoroditjen) dhe
2. Fillimin e një shkatërrimi me pasoja dhe dëme kolaterale.
Meqenëse populli shqiptar në këto 500 vitet e fundit ka arritur të krijoj një baraspeshë mrekullibërëse në mes të përkatësisë fetare dhe përkatësisë kombëtare, që e para manifestohet përmes një respekti të ndërsjellë mes feve dhe sekteve të ndryshme fetare dhe e dyta që ka qenë e palëkundshme në ndërtimin dhe ruajtjen e kombit, sot, ballafaqohemi me një proces eruzioni të përkatësisë kombëtare, duke dalë ballëhapur mendjemadhësia fetare e besimit islam në Kosovë.
Krerët e Bashkësisë Islame në Kosovë, të trimëruar nga një masovizim të besimit islam në Kosovë, të indoktrinuar nga vëllezëria muslimane e rrymes turke, e përkrahur financiarisht dhe ideologjikisht për një indoktrim wahabist dhe në ngritjen e infrastrukturës së tempujve të besimit nga shtetet dhe shoqatat nga Lindja e Mesme, me kryeneqësi kanë bërë hapin e parë të shprehjes së mendjemadhësisë!
Dallimi në mes të djallit kur shprehu mendjemadhësinë dhe BIK-ut, qëndron në faktin se i pari e kishte nga xhelozia dhe frika e humbjes së një pjese të pushtetit në mbretërinë e Krijuesit ndërsa të dytët dëshirojnë duke instaluar një islam politik të fitojnë pushtet në këto hapësira gjeografike.
E keqja më e madhe e islamit politik në Kosovë është se nuk është origjinal dhe nuk po i shërben interesave të kombit shqiptar, por i indoktrinuar prej qendrave të ndryshme të vendosjes po shërben kundër interesave nacionale!
Mendjemadhësia e islamit politik në Kosovë, tashmë i ka kaluar kufijtë e manifestimit në dukje dhe ka marrë formën e dëshiruar.
Sukseset e fundit të islamit politik:
– Mosaprovimi i ndryshimit të Kodit Civil;
– Trysnia e pamëshirshme ndaj një drejtoreshe shkolle që rezultoi me heqje të nje fotoje që simbolizonte vetëm zbatimin e ligjshmërisë;
– Përgatitja e syfyrit në menzë të studentëve,
janë vetëm disa suksese të vogla që tregojnë fuqinë në rritje të islamit politik në Kosovë që do të rezultoj me hapa tjerë radikal në drejtim të eruzionit kombëtar.
Pamje të tilla në rrugët dhe sheshet tona, as nuk i shërbejnë besimit të pastër e as kombit shqiptar.
Krahas politikës që duhet të krijoj strategji të stërholluar për mbrojtjen e interesave nacionale, unë besoj fuqishêm edhe në intelektualët e mirëfilltë në kuadër të Bashkësisë Islame të Kosovës që do të ngriten dhe do të shembin islamin politik në Kosovë!
***
Autori është i punësuar në Akademi në Diplomatike të MPJ të Republikës së Kosovës. Analiza i paraqet pikëpamjet e autorit, e nuk ndërlidhet me qëndrimin e MPJ të Republikës së Kosovës.
