Udhëheqësi i Grupit Wagner, Jevgeni Prigozhin, këtu tek varri i njërit prej mercenarëve rusë të vrarë në Ukrainë. Foto: AP / NTB
Grupit të parë të rusëve të dënuar, të cilët kanë qenë mercenarë në Ukrainë, tani i është dhënë amnistia pas përfundimit të kontratës së tyre me Grupin Wagner.
Udhëheqësi i Grupit Wagner, Jevgeni Prigozhin, i cili në bashkëpunim të ngushtë me Kremlinin ka dërguar mercenarë në një numër vendesh, kohët e fundit mirëpriti një grup ish të dënuarish të kthyer nga Ukraina.
“Ju e keni përmbushur kontratën. Ju keni bërë një përpjekje të nderuar e dinjitoze,” tha Prigozhin në një video lëshuar nga agjensia e lajmeve RIA Novosti, duke ju drejtuar grupit të burrave. Fytyrat e njerëzve janë të lodhura e disa prej tyre janë të plagosur.
Prigozhin tha se burrat duhet të trajtohen me respekt të thellë në shoqërinë ruse pas kompletimit të kontratës gjashtë-mujore që iu ofrua në këmbim të lirimit dhe amnistisë.
“Mos pini kaq shumë, mos abuzoni me drogën, mos përdhunoni gratë, mos sajon asnjë budallallëk,” thuhet në këshillën e tij drejtuar burrave.
Prigozhin është konsideruar një aleat i ngushtë i Presidentit Vladimir Putin dhe ushtarët e Grupit Wagner marrin pjesë me ushtarë në një numër zonash lufte dhe konflikti, duke përfshirë Sirinë, Libinë, Malin dhe Republikën e Afrikës Qendrore.
Një zëdhënës për Këshillin e Sigurimit Kombëtar të Presidentit Joe Biden, Xhon Kirbi, vlerësoi pak përpara Krishtlindjeve se grupi Wagner përbëhet nga rreth 50,000 trupa. 10,000 prej tyre thuhet se janë të trajnuar mirë, ndërsa të tjerët janë ish të dënuar.
Aftenposten
