Raport Hulumtues-Ndryshimet e burimeve të terrorizmit në Kosovë

Të nderuar përfaqësues të mediave,

Ju lutem gjeni te bashkangjitur raportin hulumtues të titulluar “Rreziqet e Padukshme: Transformimi i Burimeve të Terrorizmit në Kosovë”, të përgatitur nga Instituti për Siguri dhe Reziliencë – PREVENT.

Ky raport ofron një analizë të thellë mbi format e reja dhe në rritje të terrorizmit dhe ekstremizmit të dhunshëm në Kosovë. Fokusuar në identifikimin e subjekteve kryesore që propagandojnë këto kërcënime, raporti zbardh se terrorizmi etno-nacionalist është kërcënimi më i madh për sigurinë kombëtare të Kosovës, sidomos përmes organizatave terroriste dhe ekstremiste që operojnë në Veriun e Kosovës. Po ashtu, raporti vë në dukje se, ndërsa institucionet e sigurisë në Kosovë kanë arritur të frenojnë ekstremizmin islamist, ato tani përballen me një sfidë në rritje nga ekstremizmi etno-nacionalist dhe e djathta ekstreme.

Raporti gjithashtu thekson se shtete si Serbia, Rusia dhe Irani, përmes autoriteteve shtetërore të tyre, janë aktivisht të angazhuar në mbështetje të individëve dhe organizatave terroriste në Veri të Kosovës dhe në rajon. Kjo mbështetje përfshin financim, armë dhe mbështetje të tjera që forcojnë ndikimin dhe aktivitetet e grupeve terroriste.

Për të kuptuar më mirë kërcënimet e reja dhe për të adresuar këto sfida, ju ftojmë të shqyrtoni raportin dhe përmbledhjen e gjetjeve kryesore të bashkangjitura. Raporti ofron të dhëna kritike dhe analiza të detajuara që janë të rëndësishme për të gjitha palët e interesuara në përpjekjet për të forcuar sigurinë dhe stabilitetin në rajon.

Për më shumë informacion dhe për të diskutuar gjetjet e raportit, ju lutem mos hezitoni të na kontaktoni.

Ju falenderojmë për vëmendjen dhe bashkëpunimin tuaj të vazhdueshëm.