Zgjedhjen e Bashës kryeparlamentar, kryetari i LDK-së, Abdixhiku, e nënvlerësoi, që paraqet deklaratën më të ulët të kujtdo që meret me politikë

1. Krytari i ri i Parlamentit z.Dimal Basha edhe sa ishte deputet ishte shpesh objekt talljeje, e edhe tash masi u zgjedh kryeparlamentar nga shumica kjo zgjedhje po komentohet me ironi e tallje. Normalisht pa të drejtë, sepse z.Basha nuk është për tallje, as nuk është i mangët në përgatitje ashtu siç portretizohet nga shumkush. Madje në sytë e mi z.Basha është më i mirë e më i përgatitun profesionalisht se 90% e deputetëve të tanishëm të Kuvendit të Kosovës.

Kryeparlamentari i ri Basha studimet Bachelor dhe ato të Masterit i ka përfundu me vlerësime maksimale në New York të Amerikës edhe del dikush i fshatit Qabiq e Hajkobillë e mundohet me u tallë me të.

Për më tepër, z.Basha gjatë legjislaturës së kalume u kanë njëri ndër zërat e pakët në partinë e tij që ka rezonu e folë drejt pa kalkulu politikisht e pa u brengos për karrieren e tij politike.

2. Zgjedhjen e z.Basha kryeparlamentar, kryetari i LDK-së e quajti “fitore të injorancës” dhe kjo për mua paraqet deklaratën më të ultë të tij prej që meret me politikë. Kjo deklaratë është e ultë, cinike, e pasaktë dhe vet injorante.

Kryeparlamentari Basha edhe sikur ta mbante pozitën e tanishme për 100 vite nuk do ta tallte e dëmtonte Kosovën dhe instirucionet e saj siç i ka tallë e dëmtu Lumir Abdixhiku dhe LDK-ja e tij institucionet dhe vet shtetin e Kosovës.

Lumiri dhe LDK-ja e tij qesharake nuk dijnë as vet çka dojnë: Nuk dojnë takime me VV-në, nuk dojnë koalicion, nuk dojnë të votojnë kryeparlamentarin?

Shtrohet pyetja çka hamomin dojnë?

Me 17% të votave me koalicion me dashurinë e tyre të përjetshme (PDK-në) dojnë me marë qeverinë. E marin hajdarin tem!

Edhe sikur të ishte e mundshme, nuk do të ishte as e ndershme, as demokratike e as reprezentuese që dikush me 17% mbështetje të ia zë vendin dikujt me 42% mbështetje popullore, po ma para gjen ujë në Sahara se sa ndershmëri në LDK.

3. Edhe pse PDK-ja është një parti që i ka shkaktu dame jashtzakonisht të mëdha Kosovës, prap ajo doli zhbllokuese e situatës. E mbajti premtimin që do të votoi secilin kandidat të VV-së që nuk u kanë pjesë e qeverisë. Prej deputetëve të PDK-së vetëm Nait Hasani votoi kundër. Naiti ka standarde, ai edhe Cherchillit në kohë të vet i kish gjetë behone. Se kah po i buron gjithë ai negativitet e ajo qehre e randë veç ai e din, edhe e kam një bindje që kur vjen puna te votimi Naiti kolegëve të PDK-së po ju thotë “nuk po du as qysh po du”.

Nejse, deputetët e PDK-së edhe përkundër që e votuan z.Basha për kryeparlamentar, ata në njëfar mënyre menduan që u tallën me z.Basha dhe VV-në, a me sinqeritetin ma të madh po ju them që Kryeparlmentari Basha për ndershmëri, punë dhe dije i man në xhep të vogël krejt grupin parlamentar të PDK-së. Gjithsesi tallja është gjynahi më i vogël i mundshëm i PDK-së ndaj Kosovës.

4. Përveç znj. Arbërie Nagavci, mendoj që z.Basha është kandidati më i mirë i propozuar deri tash. Znj. Nagavci sa ishte nënkryetare e Parlamentit në disa raste ka udhëheqë seancat parlamentare dhe me sinqeritetin ma të madh ju them se që nga paslufta nuk e ka udhëheq dikush tjetër seancën ma me rregull, ma mirë, ma me elegancë dhe fjalor parlamentar.

Kandidaturat tjera janë kanë disa komike e disa tragjike, po kulmi do të ishte nëse do të zgjedhej i përfoluri Fatmir Limaj, deputet në listën e zezë të Amerikës dhe Shqipe Selimi e akuzuar për rrahje të të burgosurëve nga vëllau i të vrarit Haki Ymeri.

5. AAK-së dhe kryetarit të saj i dështoi njëri raund i bllokimit të institucioneve. Po ti thoshte dikush dikujt në vitin 1999 se Gjeneral Ramush Haradinaj do ta bllokonte Kuvendin dhe Qeverinë e Kosovës me ndihmen e Adem Hoxhës, piunit të Vuçiqit e Serbisë, me siguri se ai do të tranohej. Dje me Radojçiqin në takime, sot me Adem Hoxhën, se me kë do të kumbarohen nesër Gjeneral Haradinaj veç ai edhe një Zot e di. Teposhtëza e tij politike nuk ka kufi.

6. A mundet me më tregu një njeri normal në Kosovë, Ballkan, Europë, Azi e Oqeani se pse priti Vetëvendosje 7 muaj për me zgjedhë Dimal Bashën kryeparlamentar?

Gjatë këtyne 7 muajve a e pritën përfundimin e luftës në Ukrainë, në Palestinë, Iran a Nagorni Karabah… a priten naj mrekulli nga qielli?

Ky joseriozitet e kjo tallje me votuesin nuk përkon me një parti që i ka fitu 42% të votave. Keq shumë keq. Gjithsesi urime z.Basha dhe i shkoftë puna mbarë!