Pirro Prifti, Tiranë
Gjithmonë në Shqipëri ndodhin çudira me paradokse ligjore ku në vënd që shteti i cili ka ngarkuar një institucion për të verifikuar dhe kontrolluar në se ka Plagjiatura, në vënd që institucioni i ngarkuar për këtë qëllim të organizojë nëoërmjet udhëzimeve dhe rregullloreve për institucionet akademike publike dhe jo publike, insitucionet qeverisëse ato legjislative dhe të drejtësisë, por duke mos funksionuar- pa dashje (?!), ja lë në dorë një personi si Taulant Muka i cili mund ta ketë bërë punën e tij me rigorozitet nga ana teknike ndoshta dhe profesionale , por nga ana ligjore z. Muka ka gabuar, sepse askush nuk e ka vënë atë të kontrollojë doktoraturat e të tjerëve. Mirë që i ka kontrolluar por i nxjerr këto analiza dhe konkluazione në internet, portale, në vënd që këto analiza dhe konkluzione të tij të ballafaqohen me institucionet që i kanë dhënë këto doktoratura dhe nëpërmjet Ministrisë së Arësimit. Do të ishtë më e rregulllt që ky zotëri që paska këtë talent në këtë punë, duhet pa tjetër t`ja dërgonte sugjerimet dhe konkluzionet e tij Drejtorisë përkatëse të Ministrisë së Arsimit të Rinisë dhe Sporteve Shqipërisë.
Veprimi më i pa llogjikshëm për mendimin tim, është dërgimi i observacioneve të në SPAK pa i kaluar njëherë tek Drejtoria përkatëse e Ministrisë së Arsimit Rinisë dhe Sporteve. Përse e them këtë? Sepse VENDIM Nr. 777, datë 26.12.2018 “Për kontrollin antiplagjiaturë të disertacioneve për fitimin e gradave shkencore“ shkruan:
1.Krijimin e arkivit digjital të disertacioneve të përdorura për fitimin e gradave shkencore në
institucionet e arsimit të lartë publik dhe jopublik, në Republikën e Shqipërisë, pranë ministrisë përgjegjëse për arsimin apo institucioneve të ngarkuara prej saj.
- Arkivi digjital të jetë pjesë e regjistrit të gradave shkencore, në kuptim të ligjit për arsimin e lartë.
- institucionet e arsimit të lartë si dhe çdo institucion tjetër shtetëror që disponon kopje origjinale të disertacioneve kanë detyrimin që, brenda 60 (gjashtëdhjetë) ditëve nga hyrja në fuqi e këtij vendimi, të depozitojnë pranë ministrisë përgjegjëse për arsimin kopje të njësuar me origjinalin të disertacionit, si dhe materialin në formë elektronike.
- Ministria përgjegjëse për arsimin kryen kontrollin digjital antiplagjiaturë të disertacioneve të përdorura për marrjen e gradës shkencore, në institucionet e arsimit të lartë, publik dhe jopublik.
- Për kryerjen e kontrollit digjital antiplagjiaturë, ministria siguron softëare për kontroll automatik si dhe programe apo pajisje të tjera që i shërbejnë kontrollit për plagjiaturë të disertacioneve të paraqitura për fitimin e gradës shkencore.
- Ministria përgjegjëse për arsimin i përcjell institucioneve të arsimit të lartë rezultatet e gjetjeve nga kontrolli antiplagjiaturë, mbi bazën e të cilave do të bëhet rivlerësimi përfundimtar mbi gradën shkencore të dyshuar si plagjiaturë.
- institucioni i arsimit të lartë, brenda 90 (nëntëdhjetë) ditëve nga vënia në dispozicion e gjetjeve të kontrollit antiplagjiaturë, i njofton ministrisë përgjegjëse për arsimin vendimin e rivlerësimit përfundimtar për çdo gradë shkencore të shqyrtuar.
- Ngarkohen Ministria e Arsimit, Sportit dhe Rinisë, institucionet e arsimit të lartë, publik dhe jopublik, dhe institucionet e tjera shtetërore për zbatimin e këtij vendimi.
Po çfarë ka bërë ky dr. Taulant Muka gjatë kohës para, dhe pas daljes së këtij VKM Nr.777dt. 2018?
Pedagogu dhe ish-zv.ministri i Arsimit Taulant Muka, këtë të hënë (16 qershor 2025) ka depozituar në SPAK dosjen me 400 faqe për plagjiaturë për rektorin e Unverisitetit të Tiranës Artan Hoxha, dhe mbi 50 profesorë në UT, Ministren e Arsimit Ogerta Manastirliu, Presidentin Bajram Begaj dhe Avokaten e Popullit Erinda Ballanca (https://ëëë.instagram.com/p/DK-CXxCI4cg/). Gjithashtu mjeku dhe studiuesi Taulant Muka ka gjetur se kanë bërë plagjiaturë ish zv.ministri i Arsimit Ervin Demo, ka akuzuar krymenistrin Rama te deklaroje doktoraturen e tij se mos e ka plagjiature (https://ëëë.panorama.com.al/ish-zv-ministri-sulmon-ramen-pse-nuk-e-qarteson-rrugetimin-e-tij-akademik-eshte-nje-punim-plagjiature-apo/), gjithashtu ka akuzuar Ministren kodheli per plagjiature (Zbardhet skandali/Një tjetër ish-ministre e qeverisë akuzohet për plagjiaturë të Doktoraturës – Tirana TodayZbardhet skandali/Një tjetër ish-ministre e qeverisë akuzohet për plagjiaturë të Doktoraturës – Tirana Today), ka akuzuar presidentin Begaj per plagjiaturë (Skandali/Presidenti ka marrë titullin “profesor” me punim plagjiaturë, denoncimi i ish-zv.ministrit – Gazeta RD), ka akuzuar ministren Manastirliu per plagjiature.
Të njëjtën gjë ka bërë dikur edhe ish ministrja Besa Shahini për Rektorët.
Këto veprime në dukje për të bërë transparencë gabimet, shtrembërimet, fajet, kopjimet e shumë personaliteteve në degë të ndryshme akademike dhe jo akademike, përfshi dhe rastin e Dr. Skënder Brataj, ndaj të cilit sulmi Juaj ishte komplet jo normal dhe në dukje si sulm nga ana e një njeriu me Komplekse inferioriteti , sepse në Administratën shtetërore nuk është e domosdoshme kriteri i gradave shkencore, por është i domosdoshëm kriteri i profesionalizmit dhe meritokracisë.
Kështu që Dr. Taulant Mukaj duhet të mbajë frenat dhe të respektojë ligjet e shtetit shqiptar, sepse çdo akuzë e tij ndaj kujtdo, duhet të dëgjohet edhe pala tjetër, dhe për tu dëgjuar ato dëgjohen dhe konfirmohen vetëm nëpërmjet institucioneve shtetërore, pavarësisht që Dr. Taulant Muka mesa duke nuk ka qejf ti respektojë sepse i duken të tëra plagjiaturë dhe korrupsion, por nuk është ashtu z.Taulant.
Nëse personi që mendohet nga ana juaj se ka bërë plagjiaturë me fakte sipas jush, këto fakte duhen dërguar jo në SPAK (se po ngatërron derën) por në Ministrinë e Arësimit e cila ka një sektor që merret me këtë punë. Ajo do të japë verdiktin dhe jo Ju. Dhënia nga ana juaj e verdikteve nëpër facebuk-ëra, instagrame, Gazeta, janë xero me hiç, dhe çdo kush mund ti quajë ato si të papërgjegjëshme për një njeri i sërës tuaj që e mban vehten për të ditur, por që nuk respekton ligjet.
Këshilla ime është : nuk është neovja të bëheni `watch-dog`-u i askujt , nuk është detyra juaj kjo, sepse është detyra e Ministrisë së Arsimit dhe Kulturës në zbatim të VKM 777. Ndoshta po e bëni për të mbetur në histori apo siç i themi këndej ne `për të lënë Nam`, mirë bëjeni por do mbeteni si ajo qeveria e Pilinçit- gazi i botës. Plagjiaturat konsiderohen të tilla sipas VKM dhe jo sipas jush.
Priftipirro2017@gmail.com
