Në foto: Tim Shkupi me Kastriot Berishen
Nga: Kastriot Berisha
- Në të gjitha trojet shqiptare, identiteti kombëtar është sulmuar dhe vazhdon të sulmohet, por në Iliridë ky rrezik ka marrë përmasa masive.
Sot, përballë shqiptarëve që jetojnë atje, shfaqet një kërcënim i dyfishtë: nga njëra anë islami politik që tenton ta shpërfytyrojë qenien kombëtare, e nga ana tjetër sllavët ortodoksë, të cilët çdo ditë e në çdo mënyrë godasin identitetin shqiptar me synimin e qartë për ta zbehur dhe zhdukur atë.
Në këtë realitet të rëndë, del në skenë një njeri që i qëndron përballë këtyre goditjeve: Tim Shkupi.
Ai është një zë i pastër, një kujtesë e gjallë e Gjergj Kastriotit një dërguar i tij në kohët moderne që i sfidon të gjithë ata që duan ta tjetërsojnë kombin tonë.
Qëndresa e tij nuk është vetëm një betejë lokale; ajo është një thirrje mbarëkombëtare. Tim Shkupi nuk është thjesht një individ, ai është simbol i mbijetesës shqiptare në Iliridë.
Për këtë arsye, ai meriton mbështetje jo vetëm nga populli i Iliridës, por nga gjithë kombi shqiptar, nga çdo trevë ku rreh zemra shqiptare. Mbështetje duhet të vijë edhe nga vetë shtetet tona: nga Shqipëria dhe nga Dardania (Kosova).
Sepse mbrojtja e identitetit nuk është çështje krahinore, por detyrë kombëtare. Sot, kur rreziku për t’u shuar është më i madh se kurrë, figura si Tim Shkupi janë frymëzim dhe thirrje për unitet. Dhe ky unitet është arma jonë më e fortë për të mbijetuar e për të ecur përpara si shqiptarë.
Rrnoftë populli shqiptar dhe të gjithë ata që kontribuojnë në ruajtjen e identitetit kombëtar.
Shkrim i shkelqyshem. PERGEZIME.