Ilir Seci, New York
Gjate muejit korrik sa isha në Shqipni ato dy javë i kalova kryesisht në vendlindje dhe nja 3-4 dite në Shkoder, qytetin ku baj çmos me shkue sa herë vizitoj vendin tonë…nji nga ato dite sa ishim në Shkoder Ditmari shprehu deshiren me pa plazhin e Velipojës ku po bahen vite qe nuk kemi shkue…shkuem atje dhe sinqerisht u seritëm me ndryshimet që kish njoftë Velipoja prej vitit 2009 kur kemi qene heren e mbrame aty…ish ba si qytet…dhe me erdhi mire pavaresisht se ndokush mundet me u ankue e me nxjerre ne pah te meta, do-do gjind thjesht jetojne per me u ankue dhe ankimimi nuk asht qellimi i ketij postimi…
Ne këtë postim due me theksue diçka qe me bani pershtypje per mire…pame qe plazhi ishte i mbushun pushues ne çdo centimeter katrore, anembane…i thom kunatit se sa paska ndryshue Velipoja e sa shume pushues paska e ai ma kthen :
– “Ka hy pare e madhe nga pushuesit qe vijne nga Kosova se ne Velipoje vijne panderpremje…mos te kishin qene ata pushues e kishe pasë këtë vend si në vitin 1997…”
Kqyrem perreth…impakti i pareve të ardhuna ishte i kjartë kudo…nesa endeshim neper Velipoje-Sektor si i kane thane dikur zones se plazhit, me rane ne sy shitoret me emna nga viset shqiptare jashte kufinjve si “Byrektore Piceri Gjakova”, “Restorant Aroma Gostivari”, “Tradita Pejane”, etj…e pyes nji nga shitesit ambulante ne rruge per ata emna e me thote :
– “Ah po, ato lokale i kane marre me qera shqiptaret nga Kosova dhe Maqedonia, i mbajne ne pune veres kur ka pushues e kane fitim…po bahen vite që ngjet kjo.”
…Nuk munda me i mshefë emocionet që ndjeva kur mesova këto fakte…dhe pashë pranine shqiptare nga Kosova në Velipoje…nuk ka se si mos me u emocionue njeriu kur sheh tabelen e madhe në Velipojë-Plazh ku shkruhet – “Stacion Velipoje-Kosove”…Velipoja që deri në vitin 1991 ishte zone kufitare dhe duhej leje me shkue sot pret dhe percjelle vargun e autobuseve nga Republika e Kosoves…
Tue pa ato tabela e ato emna lokalesh natyrshem mendova se kaq na duhet ne…levizje mbrendashqiptare qe veç tjerash gjenerojne te ardhuna e te ardhunat sjellin progres ekonomik…Nuk kane çka i duhen Shqipnise “minishengenat ballkanike”…me hjeke doganat dhe barrierat ekonomike mes shqiptareve dhe ishim realizue ma se miri si komb…praktikisht ky kishte me qene bashkimi kombetar sepse ne fund te mbramë asht ekonomia ajo qe bjen tana ndryshimet tjera…
