Faton Krasniqi
___
Badovc, 18 janar 2026
___
Liqeni i Badovcit sot nuk është më liqen, por një dëshmi e gjallë e dështimit total institucional. I stërmbushur me mbeturina shtëpiake, plastika, goma, mbetje inerte ndërtimore dhe llum urban, ai është shndërruar në një deponi të hapur, në një plagë që helmon natyrën dhe ndërgjegjen shoqërore. Nëse do të kishte një renditje reale për liqenet më të ndotura të Evropës, Badovci do të ishte pa dyshim në krye të saj.
Ky degradim nuk është rastësi, por pasojë e drejtpërdrejtë e mungesës së shtetit. Është tragjike, sepse Badovci është burim uji për Prishtinën, ndërsa trajtohet si kanal i plehrave. Qytetarët pijnë ujë, ndërsa liqeni është stërmbushur me mbeturina.
