Flamuri shtetëror i Venezuelës
Driton Tali, Londër
____
Tri njohjet e radhës që priten të vijnë për Kosovën nga Amerika Latine, si rezultat i Luftës në Ukrainë, dhe ndryshimeve gjeopolitike janë: Bolivia, pastaj Venezuela dhe Brazili.
Bolivia sepse me humbjen e “Lëvizjes për Socializëm” MAS (Movimiento al Socialismo), të Evo Moralesit, në Nëntorin e kaluar, ka filluar fuqishëm t’i kthehet Perendimit.
Nga 2008, kur MAS e Moralesit erdhi në pushtet ishte pro-Rusi (pro-Serbi) e pro-Kinë dhe anti ShBA e anti-NATO.
Kurse, tashti, lideri i ri Rodrigo Paz, i Demo-Krisitanëve, veç i ka shkri marrëdhëniet e ngrira për mëse 17 vite me ShBA’në. Në synimet e tij janë ripërtrirja e bashkëpunimit (të djathtë) me ShBA’të në të gjitha fushat qoftë të sigurisë, edukimit apo ekonomisë dhe investimeve.
Dhe njohja tjetër do jetë e Venezuelës. Mbase kjo do zgjasë pak edhepse Delsi Rodrigez ka fillu m’u zbutë pas atij fjalimit të parë kur u kidnapua Maduro (tashti i ka ftuar ShBA’të ta vizitojnë Venezuelën e të bisedojnë për marrëdhënjet e ardhshme) por megjithate Marko Rubio sikur ja shkurtoi shpresat me deklaratën e tij se “objektivi i ShBA’së është që Rodrígez të mos mbetet në pushtet afatgjatë dhe se bashkëpunimi me të është një hap tranzicioni — jo një aleancë e përhershme”.
Pastaj, me dobësimin e mëtutjeshem të Rusisë në Ukrainë, do vie njohja nga Brazili. Sepse mosnjohja e deri tashme është thjesht si produkt i gjeopolitikës. Brazili moti ka ambicie për t’u bërë anëtare permanente e Kështillit të Sigurimit të OKB’ës, andaj kujdeset për t’u dukur “neutral” dhe i pranueshëm për të gjithë. Dhe me “zhbërjen e kësaj Rusie të Putinit” (imperialiste dhe hexhemone), pra me rikthimin në Rusinë normale dhe të natyrshme, Brazili s’do të ketë më nevojë që të jetë e kujdesshme ndaj saj në këtë aspekt.
