Shtufi: Lirimi i islamistit Muhamet Haradinaj nga aktakuza prej gjykatës, bazohej në drejtësinë e bazuar në Ligjin Sharia, apo?

Gjykata paska liruar nga aktakuza Muhamet Haradinajn, i cili ka përdhosur flamurin kombëtar.

Arsyetimi i gjykatës:

“I pandehuri nuk ka pasur për qëllim nxitjen e urrejtjes, mosdurimit kombëtar apo fetar, por reagimet e të pandehurit kanë rrjedhur si pasojë e një situate të tensionuar…”

Për ta kuptuar më mirë këtë arsyetim, po e marrim këtë shembull:

“Gjykata liroi hajdutin, XY, nga akuza për vjedhje, sepse nuk ka pasur për qëllim vjedhjen, por i pandehuri kishte vepruar në bazë të një situate të tensionuar…”

Sipas këtij rasti, gjykata, pavarësisht veprës së kryer, i paska besuar të akuzuarit se nuk kishte qëllim të nxitjes së urrejtjes. Hallall gjykatë!

Tani presim që gjykatat t’u besojnë edhe hajdutëve kur të thonë:

“Nuk kishim qëllim vjedhjen, por nën një tension të caktuar e vodhëm këtë shtëpi.”

Nëse ende kemi AKI, mirë do të ishte të shihet kush janë këta gjykatës, që më shumë u besojnë keqbërësve sesa prokurorit. Jo pse shërbimet e huja nuk e kanë regjistruar këtë vepër Sheriati, por sepse është shumë më mirë kur të njëjtën e regjistrojnë dhe e analizojnë shërbimet tona.

#Jemi në kurth historik!