Ibrahim Kelmendi, Gjermani
IN MEMORIAM – KURT BIDENKOPF
Sapo përcolla në tv ceremoninë mortore të Personalitetit të shquar, Prof. Dr. Kurt Bidenkopf – si akt shtetëror, ku mbajti fjalë rasti edhe Presidenti gjerman.
Vendosa ta ndaj pikëllimin me miq për këtë Personalitet, sepse mbaj mend të flitej për te si rektor i parë i Universitetit RUB (në Bochum), gjatë viteve 1967-1969, i cili menjëherë e kishte afirmuar këtë universitet, duke “ble” profesorë eminent nga Gjermania dhe Bota.
Pikërisht në këtë Universitet rastisi të “livadhis” unë gati gjashtë vite (1977-1982)…
Tashmë i ndieri Bidenkopf ka biografi të pasur shkencore e politike. Po prezantoj vetëm dy nga angazhimet më kryesore, sepse kanë pas ndikim ekstra në jetën politike e sociale në Gjermani: Sekretar gjeneral i Partisë CDU gjatë viteve1973-1977 dhe Kryetar i Republikës Saksone, – e sapo çliruar nga pushtimi rus, – gjatë viteve 1990-2002.
Edhe pse studimet bazike i ka mbaruar në USA (shkenca politike, ekonomi), ku ka marrë dije të madhe për kapitalizmin vulgar, Bidenkopf është shquar si ideolog flamurtar i Ekonomisë sociale të tregut, për çka edhe sindikata gjermane DGB i ka dhënë çmimin “Hans-Böckler-Preis”, për rrolin e tij të madh në avancimin ligjor të të drejtave sociale për punëtorët (i pari dhe i vetmi politkan nga partia CDU që ka marrë atë çmim).
Një fjali e kandidatit të tanishëm për kancelar nga CDU më bëri përshtypje: “Në vitin 1964 Krahina e Ruhr’it (atëherë me rreth 5 milionë banorë) kishte rreth 500 mijë minatorë, por nuk kishte asnjë universitet. Tani nuk ka asnjë minatorë, por ka universitete me 240 mijë studentë.” (parafrazim)
Aktualisht Krahina Ruhr ka 5 univestitete shtetërore…
Uiversiteti shtetëror RUB në Bochum ka 42.599 studentë, 6.158 të punësuar, nga të cilët 500 profesorë, me buxhet vjetor (2019) rreth 615 milionë Euro. Kishte edhe “lektorat” për Albanologji, që e mbante Albanologu kroato-gjerman Prof. Dr. Lazer Dodic (Dodiq), i lindur në Janjevë të Kosovës, – atëherë i vetmi Albanolog në Gjermani Perëndimore, – kishte mbaruar Gjimnazin e jezuitëve në Shkodër (1948), doktoruar në Rom te Ernest Koliqi…
– Lavdi!
