Në ambientet e Akademia e Shkencave dhe e Arteve e Kosovës u promovua sot libri më i ri i akademikut Arsim Bajrami me titull “Konferenca e Rambujesë dhe intervenimi i NATO-s në Kosovë”, një vepër voluminoze prej 572 faqesh që trajton një nga periudhat më vendimtare të historisë së re të Kosovës.
Në një auditor të përbërë nga intelektualë, studiues dhe personalitete publike, u vlerësua lart rëndësia e këtij libri, i cili sjell një pasqyrë të thelluar dhe të argumentuar të zhvillimeve politike, diplomatike dhe historike që çuan drejt ndërhyrjes së NATO në Kosovë.
Duke qenë vetë pjesëmarrës në Konferenca e Rambujesë, autori sjell një dëshmi autentike për ngjarjet që u zhvilluan në këtë proces vendimtar, duke përshkruar jo vetëm rrjedhën zyrtare të bisedimeve, por edhe prapaskenat diplomatike që paraprinë ndërhyrjen ushtarake dhe çlirimin e Kosovës.
Libri hapet me një trajtim historik që nga aneksimi i Kosovës nga Serbia, duke analizuar në mënyrë të argumentuar periudhat e ndryshme të pushtimit, përfshirë kohën e ish-Jugosllavisë dhe politikat shoviniste serbe që synonin mbajtjen e Kosovës nën sundim. Në këtë kontekst, autori ndalet edhe te Konferenca e Londrës, si dhe te dokumente të rëndësishme si “Libri i Kaltër” dhe Memorandumi i Akademisë Serbe, të cilat paraqiten si baza ideologjike të politikave antishqiptare.
Një pjesë e rëndësishme e librit i kushtohet luftës së Ushtria Çlirimtare e Kosovës, qëndresës heroike të Adem Jashari dhe familjes së tij, si dhe tragjedive që pasuan si rezultat i gjenocidit serb. Në këtë kontekst, autori identifikon qartë përgjegjësinë politike dhe historike të regjimit të Slobodan Milosheviqit, si zbatues i politikave represive ndaj shqiptarëve.
Një vëmendje e veçantë i kushtohet rolit të Shtetet e Bashkuara të Amerikës dhe aleatëve ndërkombëtarë në procesin e Rambujesë, si dhe ndikimit të tyre në vendimmarrjen për ndërhyrjen ushtarake. Libri trajton gjithashtu efektet politike dhe juridike të kësaj ndërhyrjeje, si dhe angazhimin e bashkësisë ndërkombëtare për ndaljen e gjenocidit në Kosovë.
Në kapitujt përmbyllës, autori ndjek zhvillimet nga Rambujeja deri te shpallja e pavarësisë së Kosovës, duke përfshirë edhe rolin e delegacionit shqiptar dhe kontributin e diplomatëve e intelektualëve në këtë proces historik. Një vend të veçantë zë edhe vendimi i Gjykatës Ndërkombëtare të Drejtësisë, që konfirmoi ligjshmërinë e shpalljes së pavarësisë.
Ky botim i vitit 2025 vjen si një dëshmi e rëndësishme historike dhe shkencore, duke ofruar jo vetëm një analizë të thelluar të ngjarjeve, por edhe një kontribut të vyer për dokumentimin e rrugës së Kosovës drejt lirisë dhe shtetësisë.
Akademia e Shkencave dhe Arteve e Kosovës ka kënaqësinë të njoftojë opinionin publik për organizimin e ceremonisë së përurimit të veprës më të re shkencore të autorit akademik, Arsim Bajrami, me titull “Konferenca e Rambujesë dhe intervenimi i NATO-s në Kosovë”. Ky botim trajton një nga periudhat më vendimtare të historisë së re të Kosovës, duke ndriçuar me qasje analitike dhe dokumentare zhvillimet që lidhen me Konferenca e Rambujesë dhe Ndërhyrja e NATO-s në Kosovë, si momente kyçe në rrugëtimin drejt lirisë dhe shtet ndërtimit. Ceremonia e përurimit do të mbahet më18 mars 2026, duke filluar në orën 11:00
Aktiviteti është i hapur për publikun dhe përbën një mundësi të veçantë për të thelluar njohuritë mbi historinë bashkëkohore, si dhe për të bashkëbiseduar me autorin dhe personalitete të fushës akademike. Pjesëmarrja juaj do ta nderonte këtë ngjarje të rëndësishme kulturore dhe shkencore.
Përgëzojë shkrimtarin tonë të mirënjohur Mag.Zeqir Bekolli dhe redaksini “Drini”, si dhe akademik Prof.dr.PHd.Arsim Najramin pë këtë libër studimor duke ofruaar një analizë shkencore të ngjarjeve, por edhe një kontribut mjaftë të thuktë për dokumentimin e rrugës së Dardanisë drejtë lirisë dhe shtetësisë që na solli UCK-ja më lideret e sajë që tashmë janë në GJykatën e Hagës, që shpresojmë që do ti kthehën Dardanisë si luftëtarë të lirë….
Me respekt, Flori Bruqi, PHD.
Prishtinë,18.03.2026