Kjo që ndodhi në Prishtinë nuk është “ekspozitë”. Është fyerje e rëndë, manipulim i kujtesës historike dhe goditje direkte ndaj dinjitetit të viktimave të luftës së Kosovës.
Të ashtuquajturat projekte nga “Admovere” dhe “Integra” kanë kaluar çdo kufi. Me përmbajtje të pasakta, me shtrembërim të fakteve dhe me relativizim të krimeve serbe, ato jo vetëm që kanë dështuar profesionalisht, por kanë prodhuar një narrativë të rrezikshme që cenon themelin moral të shtetit tonë.
Edhe më skandaloze është mbrojtja që autorët i bëjnë vetes. Të justifikohesh me listat e Natasha Kandiq si burim i vetëm, në një temë kaq të ndjeshme, është papërgjegjësi brutale. Kur dihet që këto lista kanë mospërputhje serioze dhe janë kontestuar në shumë raste, përdorimi i tyre pa verifikim shtetëror është jo vetëm joprofesional, por i qëllimshëm.
Pretendimi se “nuk ka lista tjera” është manipulim. Ka dokumentime nga institucionet vendore, organizata ndërkombëtare dhe dëshmi të shumta të verifikuara. Të injorosh këto dhe të përzgjedhësh një burim të diskutueshëm, tregon qartë agjendë, jo kërkim shkencor.
Sa i përket rolit të Shkëlzen Gashit, kjo nuk është hera e parë që akuzohet për deformim të historisë së UÇK-së. Deklarimet publike dhe reagimet e mëhershme e bëjnë të qartë se këtu nuk kemi të bëjmë me gabime teknike, por me një vijë të vazhdueshme që synon relativizimin e luftës çlirimtare.
Po aq problematik është edhe qëndrimi i Rron Gjinovcit, i cili tenton ta politizojë reagimin qytetar dhe ta paraqesë si “histeri”. Ky është një tjetër manipulim. Reagimi i qytetarëve ishte spontan dhe i drejtë – njerëzit nuk pranojnë që viktimat e tyre të trajtohen si numra të shtrembëruar apo të klasifikohen në mënyrë absurde si “të armatosur” brenda burgjeve.
Por përgjegjësia më e madhe bie mbi institucionet e Kosovës.
Deklarata se “ne japim para, por nuk përzihemi në përmbajtje” është e papranueshme dhe skandaloze. Me para publike nuk financohet verbërisht. Çdo projekt që financohet nga taksat e qytetarëve duhet të kalojë kontroll të plotë – çdo fjali, çdo numër, çdo fotografi.
Kjo është praktikë standarde në çdo shtet serioz.
Të thuash që nuk ke përgjegjësi për përmbajtjen, ndërkohë që e ke financuar, do të thotë të pranosh paaftësinë ose të fshehësh bashkëpërgjegjësinë.
Ata që kanë ndarë fondet pa e kontrolluar përmbajtjen janë bashkëpjesëmarrës në këtë skandal.
Kërkesat tona janë të qarta dhe urgjente:
• Hetim i plotë institucional për këtë projekt dhe mënyrën e financimit të tij
• Marrje e masave konkrete ndaj autorëve dhe organizatorëve
• Llogaridhënie nga institucionet që kanë financuar dhe lejuar këtë përmbajtje
• Ndalim i financimit publik për individë dhe projekte që deformojnë historinë e luftës së Kosovës
• Hartim urgjent i një liste zyrtare, të verifikuar dhe shtetërore të viktimave të luftës
Kujtesa historike nuk është lodër për eksperimente ideologjike.
Viktimat e luftës nuk janë statistikë për projekte të financuara nga taksat e qytetarëve.
Kush prek dinjitetin e tyre, prek vetë themelin e shtetit të Kosovës.
Drini.us dhe unë vetë kemi shkruar qindra herë për Masakrat dhe gjenocidin e APJ-së si dhr MUP-it serb të kryekriminelëve serb Millosheviç, Arkan , Sheshel etj.Bile disa libra i kam shkruar unë për gjenocidin serbo-malazezë në Darfani!
Libra për masakra ka por ato nuk janë të finansuara nga Shteti Dardan !
Më tespekt për lexuesit e Drini.us, si dhe Editorin e mirënjohur Gjegj Bajram Kabashi, që i editon shkrimet e bashkëpunëtorëve nga Dardania.
Theksojë që për maskara kam shkruar në disa vëllime të DIademave letrare:1,2,3,4 dhe botimi 5 si dhe në librin tim “Polemika shqip”.
I nderuar prof. Bruqi!
Mendoj se shkrimi – reagimi, (apo polemika) e Juaja është me vend.
Po ashtu mendoj se tri gjëra janë të vështira për njeriun:
1. Të dëgjon,
2. Të sheh, dhe
3, Të hesht!
Mirëpo, qëndrojnë tri të tjera për të cilat duhet ta duam jetën:
1. E vërteta,
2. Liria, dhe
3. Vyrtyti
Nuk po e zgjas më, meqë Ju i keni thënë te¨gjitha!
Më pelqeu edhe fjalia e juaj: “Më tespekt për lexuesit e Drini.us, si dhe Editorin e mirënjohur Gjegj Bajram Kabashi, që i editon shkrimet e bashkëpunëtorëve nga Dardania.”
+I dashuri Ismt M.Hasani,
Faleminderit në përkrahjen morale.Unë kam poleeeemizuar më SANU-n serb lidhur me masakrat në disa gazeta.Këtu në këtë libër Polemika shqip mund të lexoni të vërtetë e hidhur të disa Masakrave e posaqërisht Reçaku etj. https://www.scribd.com/doc/29207423/Polemika-Shqip-Bruqi-Flori-2009
Më respekt,
Flori Bruqi