Përmendorja e Gjergj Kastriotit, që aq shumë e urrejnë islamistët antishqiptarë
Shqiptar Shaljani, Shalë e Bajgorës, Mitrovicë
Kur “vëllazëria” bëhet filtër ideologjik !
Në një tjetër paraqitje publike, Mullah Mustafa përpiqet të na japë leksione për “vëllazërinë mes shqiptarëve”. Por, si zakonisht, kjo vëllazëri vjen me kushte: duhet të mendosh si ai, të besosh si ai dhe të heshtësh kur ai flet.
Sepse, sipas tij, kushdo që mendon ndryshe — qenka armik.
Kush nuk i nënshtrohet versionit të tij të fesë — qenka kundër shqiptarëve.
Dhe kush guxon të mbrojë identitetin kombëtar pa filtra fetarë — shpallet tradhtar.
Sa e njohur kjo skemë…
E vjetër sa vetë propagandat që kanë dashur gjithmonë ta zëvendësojnë kombin me ideologji.
Vëllazëria mes shqiptarëve nuk është projekt i një mullahut, as pronë e një interpretimi fetar.
Ajo është ndërtuar mbi gjuhë, histori, gjak dhe sakrificë — jo mbi predikime që ndajnë njerëzit në “tanët” dhe “të humburit”.
Ironia më e madhe?
Ata që flasin më shumë për “unitet”, janë pikërisht ata që e kushtëzojnë atë.
Sepse vëllazëria e vërtetë nuk pyet: “çfarë beson?”
Por: “a je i këtij kombi dhe a e do atë?”
Dhe aty, propaganda bie.
