Nuk jam ngritur brenda natës dhe asnjë sukses nuk ma ka sjellur lejleku.
Mendimet dhe qëndrimet e mija autentike, njihen nga publiku dhe lexuesit e mi që më kanë përcjellur që nga mosha e hershme.
Qendrimet e mija nuk luhaten dhe Dardaninë nuk dua ta shoh të mbuluar me Feregje!
Stërgjyshet, gjyshet dhe nanat tona e kanë vuajtur me qenien e tyre paditurinë, pa fajin e tyre!
Në kohën e ish Jugosllavisë, kur shumë femra shqiptare nuk kanë ditur ta shkruajnë emrin e tyre jugosllavët ka bërë shaka me to,duke i quajtur “shqiptare të prapambetura”.
Sot gjërat kanë ndryshuar por metodat janë të njejta. Në liri duan të na humbasin identitetin, të na gjuajnë përsëri atje ku luftuam që të mos ishim.
Nuk i kërkoj askujt leje të shprehem dhe të mendoj lirshëm! Nuk i kam borgj askujt ta pyes se si t’i lidhë dy shkronja.
Nuk i duartrokas ata që pas lufte u shndërruan në një Eklips për Diellin Dardan!
Nuk kam frikë nga askush sepse nuk e kam vjedhur kafshatën e popullit, e as nuk jam ngjyer në plagët e popullit dhe vuajtjet e të tjerëve!
Nuk më duhen lirat turke e as fondet e dyshimta ta besoj Zotin!
Nuk më duhen rrjetet sociale të tregoj sa e devotshme jam!
Nuk vishem me patriotizëm të rrejshëm dhe me hipokrizi sepse në zemrën time ka më shumë empati dhe mirëkuptim!
Dhe nuk kërkoj asgjë nga askush sepse është e drejta ime të jetoj lirshëm, ashtu siç dua pa e dëmtuar tjetrin!
