Nga: Arbana Xharra
Po shoh me shqetësim se si po qarkullojnë teori konspirative dhe narrativa që ushqejnë antisemitizmin, duke paraqitur investimet apo bashkëpunimet ekonomike si një “kolonizim” të Shqipërisë nga Izraeli.
Pretendime të tilla janë pjesë e propagandës që synon të mbajë Shqipërinë larg zhvillimit, larg investimeve dhe larg orientimit të saj perëndimor.
Shqipëria është njohur historikisht për tolerancën e saj dhe për mbrojtjen e hebrenjve gjatë Holokaustit, një trashëgimi që na ka bërë krenarë në sytë e botës. Kritika ndaj qeverive apo politikave është legjitime. Por kur diskursi kalon në teori për “marrje të Shqipërisë”, “koloni izraelite” apo narrativa të ngjashme, nuk kemi më debat politik, kemi propagandë te rrezikshme!
E kam një pyetje, a do të kishin protestuar nëse investitori do të ishte turk, arab apo nga një vend tjetër? Apo problemi është vetë fakti që bëhet fjalë për izraelitë?
