Deputetja Marjana Koçeku, e njohur si Neomalsorja, ka reaguar pas përplasjeve midis Policisë së Shtetit dhe protestuesve gjatë tubimit të mbajtur para Parlamentit, duke kritikuar ashpër reagimin e autoriteteve.
Përmes një postimi në rrjetet sociale, Koçek shprehu se e ka ndjekur me shqetësim dhunën e ushtruar ndaj protestuesve, ndërsa akuzoi qeverinë se, në mungesë të argumenteve, po i përgjigjet pakënaqësisë së qytetarëve me forcë.
“Në një shtet ku argumentet mbarojnë, mbeten vetëm shkopi i gomës, prangat dhe çizmet e policisë. Por asnjë qeveri nuk e ka zgjatur jetën e saj duke goditur qytetarët që kërkojnë të dëgjohen. Mjafton të shohim historinë për ta kuptuar këtë”, shkruan Koçeku.
Deputeti, i cili pak ditë më parë u largua nga grupi parlamentar i Partisë Socialiste, shtoi se përdorimi i dhunës nuk është shenjë force, por provë e pafuqisë së qeverisë për të bindur qytetarët.
“Një shtet që zgjedh t’i përgjigjet pakënaqësisë qytetare me dhunë nuk po tregon forcë; po tregon paaftësinë e tij për të bindur”, thekson Koçeku.
Ore Neomalësore!
Si nuk e kupton qe keto protesta nuk kane te bejne direkt me Ramen. Keto protesta kane te bejne me ndryshimin e kursit te Shqiperisë. A thua sllogani ” as me Lindjen dhe as me Perendimin” nuk te tregon mjaftueshem se keto protesta janë teresisht antishqiptare.
Keqardhje qe nje injorante flet e shkruan ashtu sepse qe te mos e quajme shpifje e quajme injorance.
Si duket prinderit e saj nuk i kane thene qe fjala e dhene dhe besa jane virtyte te shqiptarit. Nje variant i dyte eshte se Mariana Kocaku ka marre para nga LUGATI NON GRATTA per te u shkeputur nga PS dhe per te shkaktuar percarje. Injoranca ose paraja jane mungese dinjiteti.