Kryepeshkopi shqiptar i shërbimeve greke
Kryepeshkopi kukull Joani (Fatmir Abedin Pelushi) del jashtë vendit me leje greke dhe vetëm për aktivitete greke (shih lidhjet në fund).
Vjet shkoi për vizitë zyrtare në Patrikanën Ekumenike, ku parashtroi kërkesën e turpshme “për çështjet e minoritetit në Epirin e Veriut” (qershor 2025), pa asnjë reagim nga qeveria dhe opozita njësoj e shitur shqiptare.
Pas takimit me Fredi Belerin dhe përluftarët “vorioepirotë” në Kryepeshkopatë fundvitin e kaluar, z. Pelushi shkoi për një vizitë të fshehtë në Austri, për një javë “pushime” me Patrikun Vartholomeos (shkurt 2026).
Le të kujtojmë se fillimisht Patrikana e mbajti të fshehtë largimin e Patrikut në Austri, por këtë e zbuloi dhe e publikoi një gazetar grek, gjë që e shtrëngoi Fanarin ta njoftonte pasi ishte kthyer Patriku në Turqi, ku shënohej se kryepeshkopi i Shqipërisë ishte i ftuar prej tij në Austri. Nuk doli asgjë se çfarë bisedimesh u kryen për një javë, një gjë e pazakontë kjo në takime primatësh ortodoksë.
Vetë fakti që ky ishte një aktivitet i fshehtë dhe u zbulua nga një gazetar grek, nuk dimë se sa aktivitete të tjera të fshehta të z. Pelushi presin të zbardhen…
Menjëherë pas “pushimeve” në Austri me Patrikun grek, Kryepeshkopi i Shqipërisë u shfaq në Bruksel me Fredi Belerin dhe një grup deputetësh grekë, duke marrë pjesë në një aktivitet politik grek, për të shenjtëruar shkombëtarizuesin e komunitetit ortodoks, kryepeshkopin Janullatos (shkurt 2026).
Në mars të këtij viti, disa javë pas aktivitetit grek në Bruksel, Kryepeshkopi i Shqipërisë mori pjesë për një javë në aktivitete të kishës greke në Amerikë, athua se përfaqëson një provincë greke në Ballkan dhe jo një kishë kombëtare jo greke.
Sikur të mos mjaftonte ky aktivitet i dendur grek për një vit të tërë, në maj të këtij viti Kryepeshkopi i Shqipërisë shkoi për një tjetër takim me Patrikun Vartholomeos në Turqi. Në këtë “pelegrinazh” e priste edhe deputeti e së djathtës greke, z. Maksimos Harakopulos, i cili është edhe sekretar i përgjithshëm i Asamblesë Ndërparlamentare mbi Ortodoksinë, një forum i krijuar me nismën e Parlamentit të Greqisë.
Vlen të kujtojmë se këto nuk janë takime protokollare. I njëjti politikan grek ka ardhur rregullisht në Shqipëri dhe sidomos në Korçë (foto 3, viti 2015), ku për një çerek shekulli z. Pelushi bëri atë që nuk e arritën dot për shekuj me radhë armiqtë historikë të kombit shqiptar.
Duke parë këtë pasqyrë aktivitetesh greke, me fakte dhe data, a mund të më thoni qoftë edhe një aktivitet shqiptar që ka bërë kryepeshkopi kukull i shërbimeve të posaçme greke?
* * *
Kryepeshkopi i Shqipërisë në kishën greke të Amerikës (mars 2026):
Kryepeshkopi i Shqipërisë me Fredi Belerin dhe deputetët grekë në Bruksel (shkurt 2026):
Kërkesë e Kryepeshkopit të Shqipërisë për “çështjet e minoritetit në Epirin e Veriut” (qershor 2025):
Kryepeshkop Joani dhe Fredi Beleri (tetor 2025):
