Kush leshin mendon që është Naim Tërnava që me i ofru apo mos me i ofru mbështetje një personi e lideri politik e institucional të shtetit laik të Kosovës?
A po i duket vetja “ajatullah” i gardës republikanee islamike, si ata të Iranit, apo çka?
Me çfarë prapavije apo qëllimi e thotë këtë? A vetëm pse presidentja i takon besimit katolik? A është deklaru ndonjëherë kështu edhe për liderët tjerë institucional? Për presidentët e mëhershëm? Për ndonjë kryeminisër? Për ndonjë kryeparlamentar? Pse tani me Prof. Justinën? Tek e fundit, kush është ka e kërkon mbështetjen e tij? Kush po e pyet se a e mbështetë ky apo jo?
Poashtu, dalin edhe disa si opinionisti Sadri Ramabaja e disa deputetë të VV-së dhe e potencojnë besimin fetar të presidentes si diçka relevante në një shtet laik siç është Kosova. Pse gjithëçka në shoqërinë kosovare duhet të ndahet në taborre politike e fetare? Pse ajo shoqëri çdoherë e për gjithëçka duhet të ndahet në “ne” dhe “ata”? Në “asi”, e në “kësi”?…
Në atë vend të stërvuajtur, tek ai popull i polarizuar, i përçarë e i hasmuar skajshmërisht në të gjitha aspektet e deri në nivelin e çmendurisë, e vetmja që duhet të ketë rëndësi është që në Kosovë ose je shqiptar, ose nuk je shqiptar.
Besimi fetar është diçka anësore e shumë personale, i cili tek pjesa dërmuese e popullatës ekziston vetëm si një gllazurë e hollë dhe e tejdukshme në stilin e jetës së popullit më sekularë në Europë e më gjërë, siç janë shqiptarët.
Andaj, duhet ndalë hovin këtyre axhendave e platformave të ndryshme e perfide anti-kombëtare që veprojnë në atë vend.
Klerikët fetarë dhe institucionet fetare duhet mbajtur sa më larg politikës.
Kombi dhe Atdheu mbi të gjitha!
Të rinjt “Kosovar” po e braktisin Kosovën, po nuk po shkojnë për strehim as në XHAMI, as në SHQIPËRI, po në GJERMANI!