Ismet M. Hasani, Suedi
___
A janë kryer krime kundër katolikëve në Kosovë, shembulli i Kishës së Stakajve?!
Drejtori i Global Crisis Group, Ilir Kulla, ka komentuar zgjedhjen e Justina Shiroka-Pulës presidente të Kosovës, duke vlerësuar profilin e saj dhe mundësinë që ajo të kontribuojë në forcimin e marrëdhënieve ndërkombëtare të vendit.
Ilir Kulla, Drejtor i ”Global Crisis Group”
Presidentja e Kosovës Justina Shiroka-Pula është një figurë që mund të përfaqësojë të gjitha palët; është katolike me prejardhje familjare nga Shkodra.
“Zonja presidente është një figurë e mirë, një figurë teknike, do të thosha, i përfaqëson të gjitha palët.
Presidentja e Kosovës është edhe katolike, gjë që është shumë e rëndësishme për Kosovën, që të ecë rrugës drejt BE-së, që ka një presidente katolike. Aq më tepër, kur një pjesë e akuzave në Hagë ishte se janë kryer krime kundër katolikëve në Kosovë. Kjo është edhe më e rëndësishme në këtë moment” ((Ilir Kulla, Drejtor i ”Global Crisis Group”)
Në foto nga e majta: Rexhep Selimi, Kadri Veseli, Jakup Krasniqi; mbrapa tyre Hashim Thaçi me gisht në kokë (?!)
***
Justina Shiroka-Pula është me origjinë nga Shqipëria dhe vjen nga një familje shumë e madhe nga Shkodra, që ka nxjerrë artistë, poetë e biznesmenë.
Përtej profilit të Presidentes, rëndësi të veçantë ka edhe situata politike dhe ekonomike në Kosovë, si dhe nevoja që institucionet të funksionojnë në mënyrë të qëndrueshme.
Konfigurimi i situatës ekonomike dhe politike të Kosovës pas këtij momenti është shumë më i rëndësishëm, sepse institucionet duhet të jenë funksionale. Kësaj zonje do t’i duhet, paradoksalisht, të bëjë edhe detyrën e presidentes së shtetit, por edhe diplomacinë e kryetarit të shtetit në botë, në mënyrë që të rikuperohenedhe ato avantazhe që, padrejtësisht, gjatë këtij hendikepi dyvjeçar, Kosova i humbi në marrëdhëniet ndërkombëtare.
Një nga prioritetet e presidentes së re të jetë angazhimi për sigurimin e njohjeve të reja për Kosovën, duke shfrytëzuar edhe mundësitë për forcimin e raporteve me shtetet që ende nuk e njohin pavarësinë e saj.
Prioritet i saj të jenë njohjet e reja të Kosovës dhe të vazhdojë pikërisht duke shfrytëzuar faktin se ajo është katolike.
Edhe në botën katolike, nëpërmjet Vatikanit, mund të ndryshojë raportet me disa vende që nuk e njohin Kosovën, e sidomos me vendet katolike, duke filluar nga Spanja etj.
Angazhimi diplomatik i Presidentes Justina Shiroka-Pula mund të jetë i rëndësishëm në përpjekjet për të përmirësuar marrëdhëniet ndërkombëtare dhe për të zgjeruar numrin e shteteve që do e njohin Kosovën.
I urojmë shëndet të plotë dhe suksese në punë, edhe pse do ta ketë vështirë.
