Mariam Taha Thompson, 62 vjeç është dënuar me 23 vjet burg për kalimin e emrave të informatorëve të SHBA në Irak, te një burrë me lidhje me organizatën e libaneze Hezbollah të lidhur me Iranin.
62 vjecarja Mariam Thompson ka pranuar kalimin e informacioneve të klasifikuara te një qytetar libanez, duke e ditur se po i kalonte te grupi musliman Shia që është shpallur “organizatë terroriste” nga Uashingtoni.
“Dënimi i Thompson reflekton masën e rëndë të thyerjes së besimit prej saj, të burimeve njerëzore që vuri në rrezik, ashtu si dhe të trupave, miqve e kolegëve që punonin pranë saj,” tha John Demers, kreu i sigurisë kombëtare në departamentin e drejtësisë.
“Ky rast duhet të shërbejë si një kujtesë për ata të cilëve u besohen informacione të sigurisë kombëtare dhe i zbulojnë ato për përfitim personal apo arsye të tejra, që është një sjellje egoiste e kriminale”, shtoi kreu i kundër-inteligjencës në FBI, Alan Kohler Jr.
Sipas dokumenteve Thompson, qytetare amerikane e lindur në Liban, punonte si përkthyese në një bazë të huaj ushtarake, ku në vitin 2017 nisi një marëdhënie romanike me një burrë që i tregoi se ishte i lidhur me grupin musliman libanez Hezbollah.
Thompson ishte caktuar me forcat amerikane në Erbil, kryeqyteti i rajonit kurd të Irakut, në dhjetor 2019 dhe kishte akses sigurie të nivelit të lartë.
Asokohe njësia e saj po kryente sulme kundër grupit militant pro-iranian Kataib Hezbollah, të cilat përfunduan më 3 janar 2020, me vrasjen e gjeneralit të lartë iranian Qassem Soleimani gjate nje vizite ne Irak, si dhe të Abu Mahdi al-Muhandis, kreut të Kataib Hezbollah, sipas SHBA.
Pas ngjarjes të 3 janarit 2020, ku u vra Gjeneral Qassem Soleimani, si dhe Abu Mahdi al-Muhandis, kontakti i Thompson i kërkoi asaj informacion mbi personat që kishin ndihmuar SHBA të realizonte sulmet.
Gruaja kaloi të dhënat për informatorët e SHBA, mes të cilëve dhe emrat e vërtetë të tetë kontakteve sekrete, si dhe të dhëna mbi taktikat dhe objektivat e SHBA në rajon.
Thompson ka pranuar se e dinte se informacionet do të kalonin te grupi Hezbollah.
Ajo ishte arrestuar një muaj më vonë nga autoritetet, në shkurt 2020.
Për më shumë Kliko këtu:
