Nga: Arif Ejupi
Tiranë e Arbërit
Poezi
Tiranë e Arbërit,
me klimën e butë,
me shiun e vakët,
me diellin reflektues,
me qiellin pasqyrë,
me liqenin në zemër,
me ullishte e hardhi përreth,
me kryetrimin në shesh,
me malet e Dajtit dhe të Surrelit kurorë,
me arteriet që të shpien në Durrës,
Kavajë e Bari,
o sa më ka marrë për ty malli.
Tiranë, fanar ndriçues i Ballkanit dhe i Evropës.
Tiranë, me të bukurin emër,
edhe për së vdekuri të dua me shpirt e zemër.
Gjenevë, 21 prill 1996
