Si u asimiluan serbët ortodoksë në shqiptarë ortodoksë?!!!
Autorë të shumtë serbë, si Jovan Haxhi-Vasiljeviç (vepra Južna Stara Srbija), Atanasije Urosheviç (vepra Kosovo), Jovan Cvijiç, pastaj Vladimir Çoroviç etj., pohojnë se “serbët ortodoksë në Kosovë u arbanizuan (u shndërruan në shqiptarë ortodoksë) me dhunë”.
Pra, sipas tyre, ata nuk u asimiluan në “shqiptarë myslimanë” apo në “osmanë-turq”, por në mënyrë të dhunshme në “shqiptarë ortodoksë” gjatë periudhave të ndryshme nën sundimin osman.
Për ta theksuar edhe njëherë: sipas këtij interpretimi, ata nuk u konvertuan në Islam, as me dhunë e as për shkak të privilegjeve, por mbetën ortodoksë dhe u shqiptarizuan. Shih ti?!!!
Siç dihet, Siprien Rober (Cyprien Robert), gjatë udhëtimit të tij në vitet 1830–1840, në rrethin e Prizrenit regjistron “56 fshatra ortodokse që visheshin me veshje shqiptare dhe flisnin shqip”.
Ngjashëm përshkruan edhe Bue (Ami Boué), gjatë udhëtimit të tij nëpër Kosovë më 1836–1838, sidomos në rrugën nga Gjilani për në Prishtinë, duke shënuar “fshatra ortodokse ku banorët mbanin veshje shqiptare dhe flisnin shqip”.
Pastaj kemi edhe fotografi nga manastiret ortodokse ku shihen njerëz me veshje tipike kombëtare shqiptare.
Tani, sipas historianëve hegjemonistë serbë: këta njerëz ishin serbë të asimiluar në shqiptarë!
Por shtrohet pyetja: si paskan mundur shqiptarët t’i asimilojnë ata!?
Kur dihet mirëfilli se në Perandorinë Osmane shqiptarët zyrtarisht nuk njiheshin kurrë si entitet (millet). Ne ishim ose pjesë e umetit (myslimanët), ose e Rym milletit (ortodoksët). Ndërsa pjesa katolike nuk ishte pjesë e sistemit klasik të milletit; ata kishin një trajtim tjetër, deri rreth vitit 1830, kur filloi njohja e strukturave katolike si “Latin millet”.
E pra, si paskan pasur mundësi shqiptarët t’i asimilojnë serbët ortodoksë në shqiptarë ortodoksë, kur jo vetëm që shteti nuk ishte i tyre — që do të thotë se nuk dispononin as me “shkopin” e as me “karrotën” — por edhe manastiret dhe liturgjia ortodokse zhvilloheshin në gjuhën greke koine, gjuhën e Biblës!!!?
A mos vallë ishte e kundërta: a mos ndoshta ata ishin shqiptarë ortodoksë, të cilët Serbia i serbizoi pasi i pushtoi trojet shqiptare, dhe këtë e bëri më shumë me “shkop” sesa me “karrotë”. Realisht, në fillim, pothuajse krejt me shkop!!!
Andaj, ju Gašić’ët, Kastratović’ët, Kučić’ët, Tačić’ët…, pa marrë parasysh se si i keni emrat Nemanja, Periša, Radovan apo Zoran, bëjani këto pyetje vetes.
