Familja Dauti njofton familjarët, miqtë, kolegët, bashkëpunëtorët dhe të gjithë dashamirët se ceremonia e fundit e lamtumirës për Dr. Daut Dautin, historianin, gazetarin, studiuesin dhe publicistin e njohur shqiptar, do të mbahet të dielën, më 6 shtator 2026.
Mbledhja komemorative do të mbahet në ora 11:00, në Teatrin e Qytetit në Gjilan, ku familjarë, miq, kolegë dhe bashkëpunëtorë do të kenë mundësi të nderojnë jetën dhe veprën e tij.
Pas faljes së namazit të drekës në xhaminë e lagjes Arbëria në Gjilan, do të bëhet nisja e xhematit për në fshatin Kokaj.
Varrimi do të bëhet në varrezat familjare në Kokaj, në vendlindjen që Daut Dauti e deshi aq shumë dhe me të cilën mbeti i lidhur deri në fund të jetës.
Familja falënderon të gjithë ata që kanë shprehur ngushëllime dhe kanë ndarë dhimbjen me ne në këto ditë të rënda.
Zoti e mëshiroftë
I lehtë i qoftë dheu i vendlindjes së tij.
I përjetshëm qoftë kujtimi për Dr. Daut Dautin.
Familja Dauti
Me pikëllim e dhembje kam marrë lajmin mbi vdekjen e z. Daut Dauti .
Ka qenë studiues i zellshëm . Çdoherë me kënaqësi i kam lexuar shkrimet e tij . Ngushëllimet më të sinqerta familjes, shokëve dhe miqve ! Dautit i qoftë i lehtë dheu i vendlindjes !