____
KOSOVA EVROPIANE NUK DO TË GJUNJËZOHET PARA ISLAMIZMIT RADIKAL!
____
Kosova është shtet evropian, demokratik dhe laik.
Ajo nuk mund të shndërrohet në terren të fanatizmit fetar, të propagandës së importuar dhe të ideologjive që e vendosin fenë mbi kombin, ligjin dhe shtetin.
Ne nuk jemi kundër besimit islam dhe as kundër shqiptarëve myslimanë. Shqiptarët e kanë ruajtur fenë si çështje shpirtërore, ndërsa kombin si shtëpinë e përbashkët.
Por jemi dhe do të mbetemi fuqishëm kundër islamizmit radikal, kundër rekrutimit të të rinjve për luftëra të huaja dhe kundër kujtdo që fyen Gjergj Kastriotin, Flamurin Kombëtar, Nënë Terezën dhe kulturën shqiptare.
Kosova nuk u çlirua nga Serbia që të pushtohet mendërisht nga ideologji ruso-serbe, arabo-ekstremiste apo neo-osmane.
Fëmijët tanë nuk janë ushtarë të ISIS-it dhe as material për laboratorët e indoktrinimit.
Ata duhet të edukohen me gjuhën shqipe, shkencën, historinë, teknologjinë dhe mendimin e lirë.
Prokuroria dhe institucionet e Kosovës duhet të hetojnë:
– financimet e dyshimta nga jashtë;
– predikuesit që nxisin urrejtje dhe ekstremizëm;
– keqpërdorimin e fëmijëve për indoktrinim;
– rekrutimin për organizata terroriste;
– çdo lidhje me BIA-n serbe ose me rrjete të tjera armiqësore.
Liria e besimit është e garantuar, por askush nuk ka liri ta terrorizojë shoqërinë, ta kërcënojë rendin kushtetues apo ta përdhosë identitetin tonë kombëtar.
Armiku ynë nuk është besimtari mysliman.
Armiku është fanatizmi që e përdor fenë kundër shqiptarit, Kosovës dhe qytetërimit evropian.
Kosova është tokë e shqiptarëve, e tolerancës dhe e lirisë.
Ajo do të ecë drejt Evropës – jo drejt errësirës së ekstremizmit!
FËMIJËT SHQIPTARË NUK JANË KURBAN TË ISIS-it!
JO! DHE JO!
Dija, identiteti kombëtar dhe dashuria për atdheun janë mburoja e fëmijëve tanë. 
LUSTRIFIKIM – DREJTËSI – LIGJ!
Sak Muji
Ish-i burgosur politik 1981–1990
Artist dhe veprimtar i çështjes kombëtare
