____
PËR LËVIZJEN E DEÇANIT NUK MUND TË FLITET ME GËNJESHTRA DHE DEZINFORMIM!
____
Nga fillimi e deri në fund, ky shkrim është i mbushur me pretendime të pavërtetuara, shtrembërime dhe dezinformim, të cilat synojnë të krijojnë një perceptim të rremë te opinioni publik dhe të dëmtojnë imazhin e Lëvizjes së Deçanit.
Lëvizja e Deçanit ka qëllimet, parimet dhe synimet e saj programore, të cilat i bën publike dhe për të cilat mban përgjegjësi para qytetarëve. Ajo nuk mund të gjykohet mbi bazën e shpifjeve, manipulimeve apo pretendimeve që nuk mbështeten në fakte.
Kushdo që ka kritika apo kundërshtime ndaj Lëvizjes së Deçanit, është i lirë t’i shprehë ato, por duhet ta bëjë këtë me fakte, argumente dhe përgjegjësi publike, e jo përmes dezinformimit dhe përpjekjeve për diskreditim.
Përpjekjet për ta dëmtuar Lëvizjen e Deçanit përmes pretendimeve të pavërtetuara nuk e ndryshojnë misionin e saj dhe as synimet për të cilat ajo angazhohet. Lëvizja e Deçanit do të vazhdojë rrugën e saj, me përkushtim dhe vendosmëri, drejt realizimit të objektivave të saj programore.
E vërteta mbrohet me fakte, ndërsa besueshmëria fitohet me punë dhe veprime konkrete. Kjo është rruga në të cilën ecën Lëvizja e Deçanit.
