Afrim Gashi dhe neo-otomanizmi institucional
Afrim Gashi, që nga themelimi i Alternativës në vitin 2019 e deri më 2024, udhëhoqi një parti politike me orientim të qartë ideologjik dhe fetar, shpesh të lidhur me agjenda pro-turke dhe me simpati të hapur ndaj presidentit turk Ersogan.
Tashmë, si Kryetar i Kuvendit, ai është shkëputur formalisht nga partia, por fryma politike që e ka karakterizuar vazhdon të jetë prezente.
Brenda mureve të Parlamentit, Gashi promovon dhe mban në dorë libra të botuar nga Bashkësia Islame e Maqedonisë, duke i dhënë hapësirë institucionale ideologjive që shpesh nuk përputhen me pluralizmin dhe laicitetin që duhet të karakterizojnë një Kuvend demokratik.
Është shqetësuese të shohësh se si institucioni më i lartë ligjvënës po përdoret për të normalizuar simbolika dhe retorika që i shërbejnë më shumë agjendave neo-otomane sesa interesit të qytetarëve shqiptarë dhe gjithë shoqërisë.
Edhe më problematike është përfshirja e fëmijëve në aktivitete që shërbejnë për legjitimimin e këtyre agjendave, në vend të një edukimi qytetar të shëndetshëm dhe demokratik.
Kuvendi duhet të mbetet mburojë e interesit publik, jo platformë për propagandë të ideologjive të huaja. Heshtja sot është bashkëfajësi nesër.
