Portreti i një deputeti të ardhshëm
Arbër Behluli ka lindur më 6 mars 1985 në Prizren dhe deri në moshën 13-vjeçare jetoi në fshatin Mushtisht. Pas kësaj, ai u zhvendos në Prishtinë, ku vazhdoi shkollimin dhe ndërtoi karrierën e tij. Arbëri është i martuar me Erzën dhe së bashku janë prindër të një djali. Aktualisht jeton në Prishtinë dhe ky është kandidimi i tij i parë për deputet në Kuvendin e Kosovës.
Me diplomë bachelor në Shkenca Politike dhe Administratë Publike dhe master në Studime Evropiane, ai ka ndërtuar një karrierë të larmishme, që përfshin përvojë në sektorin publik, privat dhe akademik.
Përvoja Profesionale:
- Zyra e Kryeministrit të Kosovës
Zyrtar për Planifikim Strategjik, me fokus në krijimin dhe monitorimin e strategjive qeveritare. - Ministria e Punëve të Jashtme
Zyrtar për Hulumtim dhe Strategji, i angazhuar në politikën e jashtme dhe bashkëpunimin ndërkombëtar. - Themelues i birrës “Shok & Shoqe”
Ndërmarrës dhe themelues i birrës artizanale “Shok & Shoqe. - Ligjërues në Kolegjin ISPE
Angazhim akademik në mësimdhënie për lëndë të politikës dhe administratës publike.
Si deputet i Partisë Demokratike të Kosovës, Arbëri do të përqendrojë punën e tij në objektivat e këtyre komisioneve parlamentare:
- Komisioni për Shëndetësi dhe Mirëqenie Sociale – duke u angazhuar për përmirësimin e shërbimeve shëndetësore dhe mbështetjen e grupeve të cënueshme.
- Komisioni për Ekonomi, Industri, Ndërmarrësi dhe Tregti – për të nxitur zhvillimin ekonomik, mbështetjen e ndërmarrjeve dhe fuqizimin e tregtisë.
- Komisioni për Punë të Jashtme dhe Diasporë – duke punuar për forcimin e diplomacisë dhe angazhimin e diasporës në zhvillimin e Kosovës. ____ Mund të thuhet lirisht se kandidimi i Arbër Behlulit për deputet nga radhët e Partisë Demokratike të Kosovës, i tejkalon caqet e kandidimit të një personi për deputet që e përfaqëson një parti politike, pasi me dijet, kulturën dhe traditën familjare , i biri i këngëtares së famshme Shkurte Fejza dhe babait Hajrush Behluli, është një kandidat që plotësisht i përfaqëson interesat kulturore, politike, diplomatike e të tjera nga mbarë Kosovës. Prandaj, Arbër Behlulin duhet ta votojnë të gjithë, pasi ai e përfaqëson frymën e re në Kosovës, atë frymë që i ka munguar Kosovës.
