Gjykata Themelore në Prishtinë dënoi me vetëm 6 vjet burgim Hysri Selimin, agjent i paguar i BIA-s serbe. Ky vendim skandaloz ka ngritur indinjatë të madhe, pasi Selimi – i dënuar më parë për ISIS – ka vepruar për 15 vjet si vegël e Serbisë, duke mbledhur informacione për “mesxhide”, rrjetin vehabist, radikalizimin dhe veprimtarinë e shqiptarëve në Siri.
BIA e kishte rekrutuar që në 2009, e pajiste me para (deri 700 euro/muaj), telefona dhe premtime shtëpie, duke e dërguar madje në Siri me mision të caktuar. Qëllimi i qartë i misionit të tyre: islamizim sistematik dhe radikalizim i shoqërisë kosovare për të imponuar një islam ekstrem që sjell dhunë, përçarje, shkombëtarizim dhe, në fund, shkëputjen e Kosovës nga aleanca euroatlantike – NATO dhe Perëndimi.
Më skandaloze është mbrojtja. Avokati Ali Beka dhe Selimi hodhën aludime të rrezikshme për “bashkëpunim të dyfishtë” me AKI-në, duke tentuar të komprometojnë institucionet tona të sigurisë. Kjo nuk është mbrojtje – është vazhdim i operacionit të BIA-s brenda gjykatës.
Duhet reagim i menjëhershëm:
• Dënim maksimal në apel për tradhti dhe spiunazh.
• Hetim penal urgjent ndaj tërë mbrojtjes për insinuatat kundër AKI-së.
• Hetim i plotë për rrjetin e bashkëpunëtorëve të BIA-s në operacionin e islamizimit.
• Forcimi i luftës kundër radikalizmit fetar të importuar.
Ky rast është alarm kombëtar. Tradhtia dhe islamizimi i sponsorizuar nga Serbia nuk mund të trajtohen me dorë të butë. Drejtësi e fortë ose tradhti e vazhdueshme.
