nga: Gjokë Dabaj
Po them: Krimet e Serbisë ndaj shqiptarëve janë shumëfish më të rëndë se ata të gjermanëve ndaj hebrenjve, në radhë të parë, sepse krimet e nazistëve gjermanë janë shtrirë në fare pak vite. Ndërkaq, kohëzgjatja e gjenocidit serb ndaj shqiptarëve është e pakta dhjetë herë më e madhe se ajo e nazistëve gjermanë ndaj hebrenjve. E dyta, gjenocidi serb ndaj shqiptarëve nuk është kryer vetëm nëpër kampe përqendrimi, por edhe në terren.
Në vendbanimet e shqiptarëve. Në atdheun e shqiptarëve. Shqiptarët janë mbyllur nëpër kulla apo shtëpi të zakonshme dhe janë djegur të gjallë, me burra, me gra e me fëmijë. Shqiptarët janë nxjerrë në sheshet e katundeve dhe janë pushkatuar ose therur me thika. Shqiptarët janë vrarë me dhjetëra mijë, kohë mbas kohe. Në vitet 1876-1880 e në vazhdim, në vitet 1910-1913, në vitet 1918-1920, në vitet 1941-1945 dhe në vitet 1998-1999.
Janë, pra, e pakta 123 vjet gjenocid ndaj një kombi, thjeshtë sepse lakmohet toka e tij. Megjithëkëtë, krimi serb mbi shqiptarët nuk po ndëshkohet siç është ndëshkuar me të drejtë krimi nazist mbi hebrenjtë. Pse po ndodh kështu?!
Mos është Evropa më e padijshme kur shqiptarët vriten, theren, digjen e groposen në grumbuj, sesa kur ndaj hebrenjve kryheshin të njëjtët krime?! Mos është SHBA-ja më e padijshme?! Mos janë Rusia dhe Kina më të padijshme?! Apo është Serbia shoviniste më e fuqishme se Gjermania, për t’i kryer krimet dhe për të mos u bërë ndaj saj kurrfarë gjyqi ndërkombëtar?!
Cili është shkaku kryesor që e la dhe po e le Serbinë të pandëshkuar?!
Unë mendoj që shkaku kryesor që Serbia po mbetet ndërkombëtarësht e pandëshkuar, jemi vetë ne shqiptarët.
Ndaj hebrenjve u zbatua gjenocid i pashembullt, por pjesa hebraike që mbeti gjallë, nuk heshti, nuk u gjunjëzua, nuk iu lëpi as Gjermanisë, as Botës, e cila doemos do të vihej, jo në krahun e persekutuesve, por në krahun e të persekutuarve. Pjesa hebraike që mbeti gjallë, i tha Botës, me të gjithë mjetet e mundshëm: O Botë, dënoje krimin!
Dhe i publikoi dokumentet një për një, deri sa Bota pranoi dhe vendosi t’i ndëshkojë kryerësit e gjenocidit. Jo vetëm kryerësit e drejtpërdrejtë të krimit, por e dënoi krejt kombin gjerman, duke e detyruar që t’i paguajë Izraelit zhdëmtimet sipas vendimeve të gjykatës.
Pse nuk ndodhi kështu me Serbinë? Nuk ndodhi kështu me Serbinë, sepse shqiptarët qyqarë e durojnë me qindra vjet gjenocidin dhe shkojnë e ia shtrijnë dorën serbit dhe përqafohen me serbin sikur s’ka ndodhur asgjë.
Kjo është e vërteta dhe mirë na bëhet!
Më pëlqejnë konstatimet tuaj zoti Dabaj; fatkeqësisht historia na ka dëshmuar se jemi goditur, dëmtuar e shkatërruar, nga të tjerët pikërisht që skemi qenë vigjilentë ndaj zhvillimeve globale.
Shume e rrezikshme kjo deklarata dhe krahasimi i Juaj zotri DaBaj. Shembulli qe nuk krahasohet. Ne asnje nivel. Ngase Gjermania naciste nga 1939., deri 1945., i cfarosi dhe i djegi, tekstualisht i djegi 6 (gjasht milion) Hebrej. Holokaust Nuk krahasohen, thjesht nuk krahasohen keto dy shembuj. Ata, Hebrenjet jane konsistent. Kombi baraz besim baraz popill. Dhe keshtu me shume se 5 mije vjet. E shqitaret… pakes te humbun ne perkthim. Turqizimi i shqipetareve, Islami Politik i shqipetareve, nje jokonsistence e shqipetarve, perleshje mbrenda per mbrenda vet shqipetareve, aradha ushtarake e shqipetareve mbrenda Ushtrise te Osmanlive e me shekuj ishin faktor dobesimi i te vetedijesuarit te shqipetaret. Edhe sot eksiston refleks te t’kaluares. Ne Kongres te Berlinit 1878., kur e pyesin Otto von Bismarck: Cka do te bejme me shqipetaret ai thot, pyet: “Kush jane ata?!” Jemi popull i munguar ne Histori, sidomos ne kohen kur krijohen kombe dhe shtete nacionale ne shekullin 18-te. Ishim te munguar ne Histori. Te turqizuar ne shumice. E eksiston nje thanie te kroatet: “Gori je poturica od samog Turčina”. Nuk do te pranon Europa aq lehte shqipetaret sepse shumica jane mysliman. Nuk e pranon Europa as Turqine ne BE e qe jane shtet superfuqi e le mo qe i pranon shqipetaret. E kete te themi xhoker e kane serbet ne xhep dhe e nxjerrin shpesh. E shqipetaret, si duket, nuk e kuptojne realitetin, faktin: Nuk don Europa Islamin dhe popullin te islamizuar ne obor te vehtin. Ata me kast i kane shpernda boshnjaket-myslimanet gjate kesaj lufte, i kan coptu neper vende te ndryshme te Botes qe te mos kthehen ne Bosnje kurre me. Me shume se gjysa e tyne kurre nuk do te kthehen me ne Bosnje. Keshtu disi qendron puna. Kot me ato parola: “Na jemi shqipetare se pari”. Per ata, shtete te Europes shqipetaret jane popull qe avancojn Islamin Politik.
https://www.voal.ch/regjisori-serb-ne-vepruam-ne-kosove-si-nazistet-1500
Nuk krahasohen vrasjet e shqiptareve nga serbet me vrasjet e hebrenjve nga Hitleri. Eshte e vertete qe ne hoqem shume, u vrame shume, por hebrenjte per vetem disa vite humben me shume se gjysmen e popullsise.