Ky është investitori që u rrah në Lalëz dhe më pas zgjodhi të largohej. Sot ai investon miliarda euro në Mal të Zi, duke krijuar zhvillim, vende pune dhe mirëqenie për qytetarët e atij vendi.
Kapitali shkon aty ku respektohet, jo aty ku kërcënohet. Investitorët nuk largohen nga deti, klima apo bukuritë natyrore; largohen nga pasiguria, dhuna dhe mentaliteti që sheh armik çdo njeri që vjen të investojë.
Turmat e zemëruara kanë ditur gjithmonë të shkatërrojnë, por kurrë të ndërtojnë. Fabrika, hotele, porte, rrugë dhe vende pune nuk ndërtohen me britma e gurë, por me vizion, ligj dhe siguri.
Prandaj, kur shohim investime miliardëshe që kalojnë kufirin, duhet të pyesim veten: a po humbim mundësi për shkak të atyre që kundërshtojnë gjithçka, apo për shkak se nuk kemi arritur ende të krijojmë një klimë ku zhvillimi të ndihet i mirëpritur?
Shqipëria nuk ka nevojë për turma që pengojnë çdo projekt. Ka nevojë për qytetarë që dinë të mbrojnë interesin publik, por edhe të kuptojnë se pa investime nuk ka zhvillim, pa zhvillim nuk ka punësim dhe pa punësim nuk ka mirëqenie.
Shpjegim i çartë. Ne shembuj. Tani ngritet dilema nese është me i rrezikshem analfabeti total apo ai funksional. Të parit i mungon lapsi. Të dytit i mungon logjika.