Lis Bukuroca
“Ku lidhet Turqia moderne, anëtare e NATO-s, mike e sprovuar në më shumë se një rast e Shqipërisë dhe shqiptarëve…” Edi Rama
Erdogani e lidhi Turqinë e sotme me pushtuesin osman.
Ai tha se gjatë tërë kohës ishim miq: ata pronarë, ne skllevër; edhe me gjuhën shqipe të ndaluar!
“Kemi 600 vjet miqësi, tani edhe aleatë strategjikë”,, Erdogan, Gazeta Dita
Erdogani mund të mburret me Perandorinë Osmane dhe ka arsye të jetë patriot turk, por për ne pushtimi ishte pushtim, jo miqësi.
Miku nuk të ngulet 500 vjet në shtëpi! E as nuk vjen i armatosur, e as nuk vret njeri.
Ne miqësinë e kuptojmë ndryshe, si e amerikanëve për shembull!
Miqësi mund të jetë kjo tani, por jo ajo e djeshme.
Tregoni Erdoganit se ne miqësinë e kuptojmë pa armë, kurse vëllazërinë vetëm me lidhje gjaku!
