NGA AKP-JA KËRKOJMË KOMPENSIMIN E PAGAVE TË PA PAGUARA!
___
Pas takimit të fundit në AKP, sot, në emër të kolektivit të gazetës “Rilindja” dorëzuam një kërkesë drejtuar Departamentit të Likuidimit, nëpërmjet të cilës kërkuam kompensimin e 12 pagave të pa paguara nga gazeta për vitin 2002. Në të vërtetë, gjatë kohës sa punuam në gazetën “Bujku”, ndërmjet periudhës 1992- 1999 ka pasur faza kur me muaj nuk kemi marrë paga.
Por në atë kohë ishin rrethana tjera, kurse me çlirimin e Kosovës, dhe pas ultimatumit të Administratës së UNIK-ut, të datës 26 dhjetor 2001, për të lëshuar Pallatin, por edhe pas marrjes së kompleksit ” Rilindja” nga Qeveria nga viti 2003, kolektivi nuk u pagua gjatë vitit 2002, kur edhe përfundimisht u mbyll gazeta.
Ndaj konsiderojmë se AKP-ja me të marrë në menaxhim kompleksin “Rilindja” ka obligim ligjor të na i kompensojë pagat e pa paguara.
