GONXHE BOJAXHIUT
Pa ty jetës s’mi vie era
Pa ty as dielli s’rrezon
Aromên tande na e sjellë pranvera
Në nji komb që na bashkon
Shên Anjezë moj e bekueme
Ku çdo gja n’ty sjellë veç uratë
Edhe n’qiell Ti je e lumnueme
Na ban jetên tonë të begatë
Gonxhja jonë lule e stolisun
Që na mbushë zemrat plotë mirësi
Asnjiherë Ti s’na ke braktisun
Shên Terezë plotë me hirësi
Mrekullitë tua që shpirtin na ngrohë
Edhe n’netët ku frynë acari
Fyrën tande engjullore kur e shohë
Je identitet i çdo Shqiptari
Argjira Ukimeri – pedagoge, Prizren
