Mos u ngtuni të gjykoni nga fotografia e parë, për shkak se ky është Adem Gecaj, autori i librit “Shkolla shqipe në komunën e Istogut gjatë viteve 1990-1995 dhe roli i LASH-it në organizim 1990-1995.” Nga dëshmitë e shumë veteranëve të arsimit, më e rëndësishmja ndër të gjitha është ajo e Ramiz Zeqirajt, pedagog dhe administrator në gjimnazin “Haxhi Zeka.” Gjeneratave më të vjetra i kujtohet disiplina që e kishte krijuar në gjimnaz, deri në momenti kur u futën masat e dhunshme. Ka qenë komision disiplinor, kështu që, çdo shkelje, mosmarrëveshje, incident, dhe konflikt brenda gjimnazit, zgjidhej përmes tij. Mjaftonte vetëm kërcënimi i mësimdhënësve dhe i nxënsëve “t’qoj te pedagogu”, dhe mosmarrëveshjet fillonin të zbuteshin. “Kush o bre ai pedagogu”, pyesnin nxënësit? Ramiz Zeqiraj, përgjigjeshin mësmdhënësit (ky në fotografinë e dytë, në faqe 414 të librit).
Pedagogu tregon gjendjen e arsimit dhe përvojën e tij në gjimnazin e Istogut, atëherë të njohur si “Vëllëzërit Ribar” kur i refuzuan planprogramet e Sërbisë, dhe filluan të futen masat e dhunshme.
“[N]ë Gjimnaz erdhi drejtori i dhunshëm për 6 muaj. Në drejtorinë e dhunshme bënin pjesë:
Zoran Gjorgjeviq
Riza Blakaj
Halit Mavraj
Pas disa muajsh, ashtu në përjashtim nga partia, na ftuan në një takim ku na sugjeruan që të ankoheshim. U takuan të gjithë, përveç meje dhe profesorit Adem Geca…U nisa drejt sekretarit të partisë dhe i pari dorëzova librezën, e duke u kthyer, pas meje gjeta Salih Visoqin dhe Adem Gecën. Pastaj i pari të mbramin nuk e priti. Nja dy-tri libreza mbetën pa u dorëzuar.”
Vazhduan masat e dhunshme në gjimnaz, me planprograme të Sërbisë, të cilave iu kishte bashkangjitur Halit Mavraj. Sa herë e shihte Avnia i Qerim Danit në korridor, u bërtiste nxënësve: “Ikni hini mrena se po vjen Halit Tërrnavci!” Por masat e dhunshme të filluara nga Halit Mavraj në të njëjtin gjimnaz, vazhdojnë edhe sot nga vajza e tij Venera (Halit) Mavraj dhe dhëndrri i Halitit, Liridon Lipaj (burri i Venerës), që të dy mësimdhënës në gjimnazin “Haxhi Zeka.”
Përpjekja e tyre e vazhdueshme për ta kapur drejtorinë e gjimnazit përmes dhunës dhe për ta bërë edhe më të dhunshme se që ishte në kohën e Halit Mavrajt, ka përfshirë ushtrimin e dhunës në vendin e punës, komplotin përmes Prokurorisë Themelore në Pejë me ndihmën e një fraksioni të policisë së Istogut, procese gjyqësore, dhe aktgjykime të formës së prerë të gjykatës.
Dhe misioni i “ligjshmërisë” së Halit Mavrajt vazhdon, pra ende nuk ka masa ligjore konkrete kundër mësimdhënësve të dhunshëm Venera Mavraj dhe Liridon Lipaj. Në kohën e “Pedagogut” (Ramiz Zeqiraj) këto probleme jo vetëm që do të zgjidheshin shpejt brenda gjimnazit dhe nuk do të kishte nevojë për milici, prokurori dhe gjykata, por nuk do të lejoheshin të eskalonin.
Atëherë, ka mjaftuar vetëm të dërgohen Venera dhe Liridoni në Komisionin Disiplinor të Pedagogut, kurse sot nuk çojnë peshë as aktgjykimet e formës së prerë të gjykatave kundër Venerës dhe Liridonit. Krahasoni ato masa të dhunshme të Halit Mavrës me këto të sotmet nga vajza dhe dhëndrri i tij në të njëjtin gjimnaz.
____
Redaksia e Drinit nuk e njef përmbajtjen e kësaj analize, andaj kushdo që ndihet i cënuar mund të reagoj .
