Në vazhdën e shumë vështrimeve analitike të tij, Shqiptar Shaljani po e zhvesh plotësisht keqpërdorimin e religjionit nga ana e shtetit për interesa të kobshme elektorale dhe antishqiptare.
Kjo që e bën ai, është një kryengritje e vërtetë kulturore dhe kombëtare…!
Të atyre që duan të na shkatërrojnë me Islam , pasi t’i meremetuan dhe ndërtuan të gjitha xhamitë në Shqipëri , Kosovë e gjetiu, duke e shndërruar vendin në një vendpunishte të pafundme të investimeve të huaja religjioze-neoosmane!
“Njeriu i Ri “arnaut”, kjo krijesë pa rrënjë as në tokë e as në qiell, ka nisë ta ngreh bishtin bukur naltë, duke mos e ditë se është i dehun prej tjetërkujt me Islam.
Këtu nuk vërehet nevoja e askujt për ta praktikuar religjionin që mendon se i duhet, por nevoja për demonstrim publik të religjionit, i cili duhet të dërgoj shenja të krenimit me të.
Edhe kur dirigjohet prej të huajve, që i lëshojnë tendat si dikur me “askerët” e vet, por tash “bajne rahmet” neoosmali për me ta ble shpirtin dhe ndërgjegjen me iftare politike…!
Ashtu qysh e kanë dashur Turqia kalifatiste – pushtuese për shumë shekuj pushtimi (për të na asimiluar në turq) dhe Serbia pushtuese për të na ndjekur nga vendi ynë dhe vrarë si myslimanë të padhimshëm…!
Ti je Njeri e Shqiptar, atëhere të takon tregosh se kush të mashtroj të mësysh në një identitet tjetër me bazë fetare…?!
Pse lejon që nesër-pasnesër të shndërrohesh në tabelë qitjeje “duke e mbrojtur” identitetin religjioz që s’është i yti?!
“Ti” nuk e din se ai që ndihmon me djallëzi dhe cinizëm të bëhesh Muslimanë, po ai përhapë frikë për ty, gjithkund ku mundet e ai/ata munden shumë e gjithkah!
Jo që “ti” bëhesh i rrezikshëm si Myslimanë, pasi ti ashtu mund të jeshë i rrrezikshëm vetëm për vetën dhe tokën tënde që mund ta rrezikosh. Për askend tjetër! Se “ti” ashtu armikun, secilin armik, mundesh me e h…vetëm aty ku nuk mund të thuhet…!?
“Ti” nuk po don ta kuptosh se as kombi shqiptar dhe inteligjenca e tij, ndërgjegja e tij njerëzore dhe kombëtare që po zgjohet furishëm, nuk ka me të lejuar që ta rrezikosh.
Lufta për mboshtjen e islamizimit nuk është punë e asnjë religjioni, e as e atij islam, por është çështje e mbijetesës kombëtare.
Duhet me të pyet publikisht: Ku i ke intelektualët, institucionet shkencore e arsimore…? Ku i ke organet e sigurisë që nuk bisedojnë e t’ua tërheqin vërejtjen seriozisht “udhëheqësve arnaut”?!
E shikova para do ditësh se si fliste për “një katolik” dhe veprën e tij kundër islamizimit një imam i “ynë” dhe se si e dëgjonin “xhemati” i xhamisë me sytë e hapun.
Ai mund ta padisë personin e caktuar, por duhet ta kuptoj se nëse nuk ka fakte, e fakte nuk kishte, padia mund të drejtohej pastaj nga ai.
Ai nuk e kuptonte se nuk ka të drejtë tu thotë “të frikësuarve të tij” në xhami se edhe ata duhet ta padisin. As që t’i njoftoj për një “islamofob” tjetër, se ashtu tregon se i takon një kombi tjetër, miletit/umas…!
Ai ashtu përhapë urrejtje.
Ai përkundër faktit se mendimet e tij i mbështillte me demagogji, ashtu mund ta rrezikoj (përmes dikujt) autorin e librit. Ma zi se sa shkrimtarin botëror Salman Ruzhdie, autorin e librit “Vargjet satanike”
Askush askend nuk ka të drejtë (e as mundësi ta akuzoj apo ndjek tjetrin për një libër), se pastaj librat mund të ndiqen e digjen me rend.
Kushdo që e njofton publikun për fytyrën e vërtetë të Islamit apo të ndonjë religjioni tjetër, pavarësisht se a quhet Ibrahim Kelmendi apo tjetërqysh, ai bën një vepër të madhe ndaj Atdheut.
Në Kosovë e Shqiptari nuk po e kuptojnë se pas një fjalori publik, ekziston një fjalorë i fshehtë që mund të na rrezikoj.
Ne nuk jemi Musliman as me M të madhe e as me m të vogel, as katolik, as ortodoks; ne jemi vetëm Njerëz-Shqiptarë, andaj “udhëheqësit tonë” që po shqyhen “për iftaret” neoosmane, në kohën kur bota po pëlcet në të gjitha anët dhe rinia po e braktisë Kosovën, kanë me u pendue për këtë që po ia bëjnë kombit me armiqësi të paimagjinueshme , që me gjasë nuk po e kuptojnë se veprimet e tilla janë veprime armiqësore ndaj kombit.
Por, druaj se kur të pendohen , do të jetë vonë. Tepër vonë!
Serbia na ka dashur gjithmonë si Muslimanë, e “iftaroviqët” po e bëjnë atë që e ka dashur Serbia përgjithmonë.
