Në lidhje me dokumentin që sot është bërë publik nga Prokuroria e Kosovës dhe që lidhet me planin e BIA-s serbe për ndikimin në Kosovë, përmes islamit, kam edhe unë diçka për të thënë.
Për vite me radhë, kur kemi ngritur shqetësime për islamin radikal dhe islamin politik, për përhapjen e islamit global dhe për përpjekjet që cenojnë identitetin kombëtar shqiptar, jemi quajtur përçarës, argatë e madje edhe “spiunë të Serbisë”.
Sot, një dokument i publikuar nga institucionet e Kosovës ngre pyetje serioze për mënyrën se si, sipas përmbajtjes së tij, struktura të huaja anti-shqiptare kanë synuar të ndikojnë përmes islamit, mbi shoqërinë dhe identitetin shqiptar në Kosovë. Dhe ajo që e bën edhe më shqetësues këtë dokument është se, sipas tij, bëhet fjalë për një projekt të lidhur me strukturat serbe dhe përdorimin e ndikimit fetar për qëllime politike e strategjike, atë që në videon time, sipas dokumentit në fjalë e cilësoj si “islam serb”.
Ne nuk kemi kërkuar përçarje. Kemi kërkuar të mbrojmë identitetin shqiptar, lirinë e ndërgjegjes dhe të drejtën e shqiptarëve për të vendosur vetë për të ardhmen e tyre.
Përballë islamit radikal, islamit politik dhe çdo forme të islamit global që shndërrohet në instrument politik, qëndrimi ynë ka qenë dhe mbetet i qartë: Shqiptarët duhet të jenë zot të identitetit dhe të ardhmes së tyre.
Në video e lexoj pjesën përkatëse të dokumentit dhe shpjegoj pse, sipas meje, këto zhvillime duhet të merren shumë seriozisht.
Shikojeni videon, dëgjojeni dokumentin dhe gjykojeni vetë.
25.08.2026
Blerim Nika
