“Skuadra e vrasjeve” çeçene bënë “namaz” para gjuetisë së ukrainasve Foto: Media sociale.
Raportohet se Rusia tani po dërgon forca speciale çeçene në Kiev, ushtarë të njohur për pamëshirshmërinë e tyre. Misioni është për të vrarë ose kapur zyrtarët ukrainas.
Daily Mail raporton mbi këtë përshkallëzim të ri të brutalitetit të luftës së Putinit kundër vendit të tij fqinj, të cilën ai e quan edhe “popull vëlla”:
Forcat speciale çeçene të quajtura si “gjuetarë” po lëshohen tani në Ukrainë për të arrestuar ose vrarë zyrtarët ukrainas. Sipas Daily Mail, thuhet se ata janë të pajisur me “kuvertë letrash” me fotografi të shënjestrave të tyre, shkruan Daily Mail.
Ky “grup vrasës” i veçantë i përbërë nga çeçenët e fortë dhe luftarakë është kryesisht mysliman, dhe janë parë në një pyll ukrainas ndërsa merrnin pjesë në ritualet e lutjeve përpara misioneve të tyre. Këtu u vizituan edhe nga udhëheqësi i tyre:
Ramzan Kadyrov, 45 vjeç, kreu i Republikës Çeçene dhe një aleat i ngushtë i Putinit, kohët e fundit vizitoi këta ushtarë në Ukrainë.
Kadyrov famëkeq është i njohur për aktet e dhunës dhe për shkeljet e të drejtave të njeriut në Çeçeni. Shtetet e Bashkuara e akuzojnë atë, ndër të tjera, për ekzekutime jashtëgjyçësore dhe tortura të të burgosurve.
Plani brutal për gjuetinë e njerëzve njihet nga udhëheqja ukrainase, raporton Daily Mail:
Presidenti i Ukrainës Volodymyr Zelensky, 44 vjeç, tha të enjten se atij i ishte thënë se ishin forcat speciale ruse në Kiev që po e ndiqnin atë.
Ai gjithashtu deklaroi se familja e tij ishte objektivi i dytë i kësaj “liste vrasjesh” lëshuar nga Moska, një listë që përfshin, ndër të tjera, një numër zyrtarësh të lartë të qeverisë ukrainase.
document.no
Ramzan Kadirov
