Mirëpres reagime, kritika, kundërshtime, pyetje, mendime kritike, por nëse keni nevojë të shprehni mllef kundër thirrjes time për bojkot, shani e mos më mallkoni, sepse nga sharjet nuk do kem pasoja, e nga mallkimet edhe mund të kem pasoja.
***
Në dërkohë pyeti:
Salih Sefa:
Kërkoj sqarim i nderuar!
Çfar interesi paska shteti nëse Nuk bëhet një Marsh i thirrur?
Ibrahim Kelmendi:
Salih Sefa, fillimisht, marshi është term militarist, nuk është civil.
E dyta, në shtete ligjore nuk marshohet kundër proceseve gjyqësore, sepse është presion ndaj vendimmarrjes gjyqësore.
E treta, “gjykatën speciale” e kanë formuar shtetet që na kanë ndihmuar ndihmuar ta çlirojmë Kosovën. Ato kanë ndihmuar financiarisht të ndërtohen shtëpitë e djegura, të ndërtohet ujsjellës, kanalizime dhe infrastruktura tjetër. Ato përvit kanë ndihma financiare. Ato po e mbrojnë ushtarakisht Kosovën. Ato po financojnë “gjykatën speciale”. Nga ato shtete janë të gjithë kuadrot, nga gardiani deri të kryetarja e “gjykatës speciale”. Paguhen nga financat që i japi shtetet mike. Prandaj, duke marshuar kundër tyre, u shkaktojmë hidhërim dhe i bëjmë të pendohen që na kanë ndihmuar.
E fundit, kësaj radhe: dëmtohen të akuzuarit, sepse edhe gjyqtarët njerëz janë, prandaj mund të hakmerren kundër mardhit të devijantëve. Por kuptohet nëse marshi do jetë me shumë pjesëmarrës.
Mjafton kjo përgjegjje?
RESPEKT!
Falënderime edhe për keqkuptim!
