Shkruan Sazan Guri, Tiranë
Drejtor Ekzekutiv i G & G Group dhe explorator tek Oil fields and Gas fields of Albania
Edhe nga artisti Di Caprio patem thirrje per mos ndertimin e HEC – ve , por ne Shqipwri qenkan 450 sish.
Kush thotë që e do Shqiperinë, dijeni që ai rrenë. ( fxh )
Deri me tani, mmbi 450 Hec-e ne pune, ku kemi mbi 20,000 km vije uji, qarkullues e lëvizës, e ushqyes i bimëve dhe pyjeve, të futura në tub ose ne tunel, pra në botën e vdekur. Pra, ato 300 – 600 litra ujë qe duhet të kishte një pemë, të cilën e lëshonte për aspirim, ventilim e lagështi natyrore, s’ka si ta ketë më natyra ose hapësira mes pyjeve, dhe nuk është era ajo që çon flakët, por thatësia e ajrit, si eter apo si alkol, pra, elektriciteti i ajrit që e bën përcjellës dhe ndezëse nxehtësinë e krijuar për shkak të futjes së ujit në tub e tunel.
10 vjet që ulërasim, dhe s’kini lënë gjë pa na thanë. Mijëra projekte, të dhëna nga organizata talebane mjedisore si AMSHC, Soros, REC e CoPlan, te njerëz profan, kujdes, asnjëherë pjesë e tyre, përkundrazi pjesë e paragjykimit tuaj, per këndvështrimet e mia ndryshe, per zgjidhje ndryshe, s’po them nga spitali në sallë gjyqi, e për çfarë? Jo për qytetin tim, as për lagjen time, as për studion time e as për familjen time, por për ju e për ata në Mat e Valbonë, Osum e Vjosë, Lengaricë e Tomorr, Setë e Sekë, e për gjithë Shqipërinë.
Ndaj dhe përsias shpesh me një shprehje që më ka dalë nga shpirti: Nuk jam për çfarë bëj e them, por për çfarë përballoj.
10 vjet kini që më quani UFO, jo vetëm ju kolegë dhe ju qytetarë, por edhe grupe studentësh edhe njerëz lakmitarë, që më pas vinë e thonë më fal, mirëpo tani është vonë….Lum ai që ndjen e parashikon n’kohë, për t’ju thënë të tjerëve se zgjohu sot se nesër ska vlere, por edhe mjerë ai që di e kupton se nga kjo vjen kjo, se e vuan 100 fish, që nuk dëgjohet, ndoshta nuk bërtiti më shumë, ndoshta se nuk e tha më mirë, etj., etj., por i qetë sepse foli, e me dhunti zoti ndaj kërcënimit me para, pushtet e me ………., në pozita elefanti që vritet për noçkën e fildishtë!
Kjo që ndodhi dje në Fushë Krujë, nuk është ndotje mjedisore, as krim mjedisor, por kjo është vrasje në masë, e ngadaltë, pa u kuptuar, përfshi edhe brezat. Ndotje ajri vepër kriminale, ndotje toke vepër po aq kriminale, ndotje uji – vrasje me qëllim, qoftë edhe pakujdesi. Zjarr, zjarre dhe zjarre prap, në pyll, në mal, në ullishte, në plehëra, në goma, zjarr në mendje shqiptarësh, zjarr në shpirtra qeveritarësh të përvëluar me urrjetje ndaj këtij populli, vecse uji ka ngelur pa u marrë flakë. Vërjani flakën edhe Dëtit, se Lumit ja kini vënë me kohë, që të fillojmë e të mendojmë si të shpëtojmë e të fillojë periudha e Nuhut të Ri…
