Poeti Sami Shatri letër Presidentës Vjosa Osmani dhe Kryeministrit Albin Kurti, që t’i përcjellin krizat globale e të mendojnë për sigurinë e vendit

Të nderuar,

Duke përcjellë zhvillimet e fundit, fillimin i luftërave në mes: Izraelit e Amerikës me Iranin dhe të gjithë akterëve tjerë në Gjirin Persik, si dhe luftën që tashmë ka hyrë në vitin e katërt, në mes Rusisë e Ukrainës, pastaj krizat tjera globale, si qytetarë të Republikës së Kosovës, do ju rekomandojmë disa masa të shpejta dhe të domosdoshme për sigurinë e vendit, si urgjente:

1. Mobilizimin e njësive reservë në tërë Republikën, nga mosha 20 deri 65 vjeç (formimin e qendrave trajnuese e stërvitore në tërë territorin e R. së Kosovës, ndërtimin e depove dhe furnizimin e tyre me armatim të nevojshëm e standart për rezervistë etj.)

2. Duke pasë në konsiderim faktin që Kosova pothuajse nuk ka fare strehimore për strehimin e popullsisë, rekomandojmë:

– Të gjitha kompanitë që ndërtojnë objekte banesore, të kushtëzohen-obligohen (kur t’ju lëshohet, Pëlqimi për ndërtim), për ndërtimin standart të strehimoreve nëntokësore nën banesë, ashtu që një bllok banesor të jetë në gjendje të strehoi të gjithë banorët e ati blloku.

– Shpenzimet për strehimore në blloqet banesore t’i bartë shteti, duke ndarë një fond të bollshëm për kompletimin e strehimoreve sipas standarteve europiane.

– Strehimorët të pajisen me ushqime të nevojshme (sipas metodës ushtarake-ushqime të thata që i qëndrojnë kohës dhe të bëhet zëvendësimi i tyre, para se t’ju skadoj afati).

– Mbikqyrjen e pjesës së strehimoreve ta merr përsipër shteti, duke përcjellë punët e kualitetit me masa strikte.

Kujtojmë, këto dy masa janë jetike, duke parë e përcjellë, situatat në arenat e luftës (në vendet që ka strehimore, numri i viktimave civile është shumëfish më i vogël se në ato vende ku nuk ka strehimore, sikur te ne).

Ka edhe shumë gjëra që na mungojnë, në raste lufte, por këto kishin me qenë prioritet, pasiqë kërkojnë edhe kohë për implementimin e tyre.

Respekt e shëndet: